Sai Dharam Tej: సాయి ధరమ్ తేజ్ కెరీర్‌లోనే బిగ్ ప్రాజెక్ట్.. ఆ హాలీవుడ్ సినిమా రీమేకా?

విరూపాక్ష వంటి బ్లాక్‌బ‌స్ట‌ర్ చిత్రం త‌ర్వాత మెగా సుప్రీమ్ హీరో సాయి దుర్గ తేజ్ (Sai Durgha Tej) న‌టిస్తోన్న కొత్త చిత్రం షూటింగ్ శ‌ర‌వేగంగా జ‌రుగుతున్న విష‌యం తెలిసిందే. రోహిత్ కెపి దర్శకత్వం వ‌హిస్తోన్న ఈ సినిమాను హ‌నుమాన్ వంటి భారీ చిత్రాన్ని అందించిన నిర్మాతలు కె నిరంజన్ రెడ్డి (K Niranjan Reddy), చైతన్య రెడ్డి ( Chaitanya Reddy) ప్రైమ్‌షో ఎంటర్‌టైన్‌మెంట్ (Prime Show Entertainment)పై ఈ పాన్ ఇండియా ప్రాజెక్ట్‌ను హై బడ్జెట్‌తో నిర్మిస్తున్నారు. అయితే ఈ సినిమా.. ప్రపంచ రికార్డులను బద్దలుకొట్టిన ఓ హాలీవుడ్ సినిమా రీమేక్ అని తెలుస్తోంది. ఇంతకీ ఆ మూవీ ఏంటి.. తేజ్ ఏమన్నాడంటే..

ప్రముఖ హాలీవుడ్ దర్శకుడు 'జాక్ సిండర్' దర్శకత్వం వహించిన సినిమా '300'. యుద్ధం నేపథ్యంలో యుద్ధవీరుల సాహసాల కథ ఆధారంగా తెరకెక్కిన ఈ సినిమా ప్రపంచ సినిమా చరిత్రలో సరికొత్త అధ్యాయం. 2006లో రిలీజైన ఈ సినిమాని ఇండియాలోని అన్ని భాషల్లో ఫ్రీమేక్ చేశారు. తాజాగా తెరకెక్కనున్న సాయి ధరమ్ తేజ్ సినిమా కూడా అదే అని వార్తల్లొచ్చాయి. దీనిపై హీరో తేజ్ స్పందిస్తూ.. 300 సినిమా నుండి ఇన్‌స్పైర్ చెందే ఈ సినిమాని రూపొందిస్తున్నామన్నారు. తేజ్ కెరీర్‌లోనే ప్రతిష్టాత్మకంగా తెరకెక్కుతున్న ఈ సినిమాని 120-130 కోట్ల భారీ బడ్జెట్ తో నిర్మిస్తున్నట్లు సమాచారం.

అలాగే.. రాజకీయాల్లోకి అడుగుపెట్టడంపై తన అభిప్రాయాన్ని తెలియజేశారు తేజ్‌ శుక్రవారం హైదరాబాద్‌లో జరిగిన ఓ సెషన్‌లో ఆయన మాట్లాడారు. ప్రస్తుతం చూస్తున్న రాజకీయాల్లోకి అడుగుపెట్టాంటే ఎన్నో విషయాలపై అవగాహన కలిగిఉండాలని ఆయన అన్నారు. ‘‘నాకు తెలిసింది సినిమా మాత్రమే ప్రస్తుతం నా ఫోకస్‌ అంతా సినిమాలపైనే ఉంది. మరెన్నో విభిన్నమైన చిత్రాలు, వైవిధ్యమైన పాత్రలు చేయాలి, ప్రేక్షకుల్ని అలరించాలి. రాజకీయాల్లోకి రావాలనే ఆలోచన ప్రస్తుతానికి లేదు. అటువైపు అడుగేయాలంటే ఎన్నో విషయాలు నేర్చుకోవాలి. ప్రజా సమస్యలపై పూర్తిగా అవగాహన కలిగి ఉండాలి’’ అని తేజ్‌ అన్నారు.