RC 16: సాన పెట్టడం షురూ చేసిన బుచ్చి బాబు.. RC 16

గ్లోబల్ స్టార్ రామ్ చరణ్ (Ram Charan) తన నెక్స్ట్ పాన్ ఇండియా చిత్రం RC16 కోసం.. ‘ఉప్పెన’ ఫేమ్, యంగ్ ట్యాలెంటెడ్ దర్శకుడు బుచ్చిబాబు సానా (BuchiBabuSana)తో చేతులు కలిపిన విషయం తెలిసిందే. ప్రముఖ నిర్మాణ సంస్థ మైత్రీ మూవీ మేకర్స్ (Mythri Movie Makers) సమర్పణలో వృద్ధి సినిమాస్ (Vriddhi Cinemas), సుకుమార్ రైటింగ్స్ (Sukumar Writings) బ్యానర్లపై వెంకట సతీష్ కిలారు హై బడ్జెట్‌తో భారీ ఎత్తున నిర్మిస్తున్న ఈ చిత్రం నుండి సూపర్ అప్డేట్ వచ్చింది. దీంతో చరణ్ ఫ్యాన్స్ ఫుల్ ఖుషి అవుతున్నారు. ఇంతకీ ఆ అప్డేట్ ఏంటంటే..

రామ్ చరణ్ ప్రస్తుతం 'గేమ్ ఛేంజర్' ప్రమోషన్స్ లో ఫుల్ బిజీగా ఉన్నారు. ఈ సినిమా సంక్రాంతి కానుకగా జనవరి 10న రిలీజ్ కానున్న విషయం తెలిసిందే. ఈ నేపథ్యంలోనే సినిమా రిలీజ్ వరకు చరణ్ వేరే ప్రాజెక్టుల జోలికి వెళ్లారని అంత భావించారు. కానీ.. చరణ్ అందరిని ఆశ్చర్యపరుస్తూ.. 'RC 16' షూటింగ్ ని నవంబర్ 22 నుండి మైసూరులో షూరూ చేయనున్నారు. ఈ షూటింగ్ లో చరణ్ తో పాటు హీరోయిన్ జాన్వీ క‌పూర్ కూడా పాల్గొననుంది. కొంత టాకీతో పాటు ఓ యాక్షన్‌ సన్నివేశాన్ని కూడా ఇక్కడ షూట్‌ చేస్తారని సమాచారం.

ఈ చిత్రంలో రామ్ చ‌ర‌ణ్ స‌ర‌స‌న జాన్వీ క‌పూర్ క‌థానాయుక‌గా న‌టిస్తోండ‌గా అస్కార్ విన్న‌ర్ ఏఆర్ రెహ‌మాన్ సంగీతం అందిస్తున్నారు. కన్నడ టాప్ హీరో శివ రాజ్ కుమార్ (Dr Shiva Rajkumar) కూడా జ‌త క‌ల‌వ‌డంతో సినిమాపై అంచ‌నాలు రెండింత‌లు రెట్టింప‌య్యాయి.