Game Changer: ‘గేమ్ చేంజర్’ టీజర్.. ఆ షాట్ అదిరింది
ABN , Publish Date - Nov 09 , 2024 | 06:54 PM
రాబోయే సంక్రాంతి బరిలో భారీ చిత్రంగా పోటీలోకి దిగుతోన్న చిత్రం ‘గేమ్ చేంజర్’. ఈ సినిమా కోసం మెగాభిమానులు ఎంతగానో వేచి చూస్తున్నారు. ప్రస్తుతం ఈ సినిమా ప్రమోషన్స్‌ని మేకర్స్ స్టార్ చేశారు. శనివారం ఈ చిత్ర టీజర్‌ని లక్నోలో జరిగిన ఈవెంట్‌లో విడుదల చేశారు. ఈ టీజర్ ఎలా ఉందంటే..
గ్లోబ‌ల్ స్టార్ రామ్ చరణ్, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’. ఈ సినిమాను శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ నిర్మిస్తున్నారు. ప్ర‌పంచ వ్యాప్తంగా తెలుగు, త‌మిళ, హిందీ భాష‌ల్లో 10 జ‌న‌వ‌రి, 2025న సంక్రాంతి స్పెషల్‌గా గ్రాండ్‌గా విడుదల చేయబోతున్నారు. చిత్ర ప్రమోషన్స్‌లో భాగంగా న‌వంబ‌ర్ 9న లక్నోలో ఈ మూవీ టీజ‌ర్‌ను మేకర్స్ గ్రాండ్‌గా జరిగిన ఈవెంట్‌లో విడుదల చేశారు. లక్నోలోనే కాకుండా 11 చోట్ల (హైద‌రాబాద్‌-సుద‌ర్శ‌న్‌, వైజాగ్‌- సంగం శ‌ర‌త్‌, రాజ‌మండ్రి-శివ జ్యోతి, విజ‌య‌వాడ-శైల‌జ, క‌ర్నూల్- వి మెగా, నెల్లూర్‌-ఎస్2 థియేట‌ర్‌, బెంగ‌ళూర్‌- ఊర్వ‌శి థియేట‌ర్‌, అనంత‌పూర్‌-త్రివేణి, తిరుప‌తి-పి.జి.ఆర్‌, ఖ‌మ్మం-ఎస్‌వీసీ శ్రీతిరుమ‌ల) ఈ టీజ‌ర్‌ను అభిమానుల స‌మ‌క్షంలో విడుదల చేయడం విశేషం. ఈ టీజర్ ఎలా ఉందంటే..
Also Read-కుమారుడి పెళ్లిలో కన్నీటితో కూలబడిన స్టార్ యాక్టర్
రామ్ చరణ్ రియల్ క్యారెక్టర్ అన్నట్లుగా ‘బేసిగ్గా రామ్ అంత మంచోడు ఇంకోడు లేడు’ అంటూ చుట్టూ కొండలు, వర్షంతో ఓ గ్రామాన్ని రివీల్ చేశారు. ఆ తర్వాత షాట్ అదిరింది. రామ్ చరణ్ ఒళ్లు ఇరగదీస్తూ.. రెండు చేతులు పైకెత్తి ఇరగదీస్తుంటే ఫట్ ఫట్ మంటున్న శబ్ధంతో చూపించి.. వెంటనే మరో రామ్ చరణ్‌ని పరిచయం చేస్తూ.. హెలికాప్టర్ షాట్ చూపించారు. ‘కానీ వాడికి కోపం వస్తే.. వాడంత చెడ్డోడు ఇంకొకడు ఉండడు’ అంటూ రామ్ చరణ్‌ని యాక్షన్‌‌ని షాట్స్ చూపించారు. మళ్లీ మరో బైక్ షాట్‌తో.. కేక అన్నట్లుగా రామ్ చరణ్‌ని రివీల్ చేశారు. ఇక అక్కడి నుంచి రామ్ చరణ్ చేసిన రెండు పాత్రలని మిళితం చేస్తూ.. స్టోరీ లైనప్‌ని చిన్నగా హింట్ ఇచ్చారు. కలర్ ఫుల్ సాంగ్స్, ఫ్యామిలీ డ్రామా, పాలిటిక్స్ ఇలా అన్నీ కోణాలను టచ్ చేస్తూ.. ఓ బాంబ్ బ్లాస్ట్‌తో టీజర్‌ని సీరియస్ మూడ్‌లోకి తీసుకెళ్లారు. ‘ఏం చేశాడ్రా వాడు’ అంటూ మరికొన్ని పాత్రలను పరిచయం చేసి.. ‘నన్ను మీరెవరూ అంచనా వేయలేరు’ (ఐయామ్ అన్‌ప్రిడిక్టబుల్) అంటూ రామ్ చరణ్ డైలాగ్‌తో టీజర్‌ని ముగించారు.
ఓవరాల్‌గా అయితే మాత్రం ఈ మాస్ అండ్ పవర్ ప్యాక్డ్ టీజర్ సినిమాపై అంచనాలు పెంచేదిగా ఉంది. మ్యూజిక్, కెమెరా వర్క్ అన్నీ కూడా ఒకదానిని మించి ఒకటి అన్నట్లుగా టీజర్‌ని ఎలివేట్ చేస్తున్నాయి. సంక్రాంతికి రికార్డులు ఎలా బ్రేక్ కాబోతున్నాయో అంచనా వేయడం కష్టమే అనేలా ఈ టీజర్‌ని మేకర్స్ కట్ చేశారు. ప్రస్తుతం ఈ టీజర్ టాప్‌లో ట్రెండ్ అవుతోంది.