Ram Charan: తేజ్‌ది బండ ప్రేమ.. పట్టుకుంటే ఊపిరి కూడా ఆడదు
ABN , Publish Date - Dec 13 , 2024 | 08:32 AM
తేజు ప్రేమ చాలా బండ ప్రేమ.. ఒక్కసారి పట్టుకుంటే ఊపిరి కూడా ఆడదు.. అంత గట్టిగా ప్రేమిస్తాడని అన్నారు గ్లోబల్ స్టార్ రామ్ చరణ్. సాయి దుర్గ తేజ్ హీరోగా నూతన దర్శకుడు రోహిత్ తెరకెక్కిస్తోన్న చిత్రం ‘సంబరాల ఏటి గట్టు’. ఈ చిత్ర ‘కార్నేజ్’ టీజర్‌ను హైదరాబాద్‌లో జరిగిన వేడుకలో రామ్ చరణ్ విడుదల చేశారు. ఈ సందర్భంగా తేజ్ గురించి చరణ్ కొన్ని ఆసక్తికర విషయాలు చెప్పారు.
మెగా సుప్రీమ్ హీరో సాయి దుర్గ తేజ్ ‘విరూపాక్ష’, ‘బ్రో’ బ్లాక్‌బస్టర్ విజయాల తర్వాత, తన అత్యంత ప్రతిష్టాత్మక ప్రాజెక్ట్ #SDT18లో కంప్లీట్ న్యూ, యాక్షన్-ప్యాక్డ్ ఇంటెన్స్ రోల్‌లో కనిపించనున్నారు. ఆ విషయం ఈ సినిమాకు సంబంధించి ఇప్పటికే వచ్చిన ప్రమోషనల్ కంటెంట్ చెప్పేసింది. ‘హనుమాన్’ వంటి సెన్సేషనల్ పాన్ ఇండియా విజయం తర్వాత నిర్మాతలు కె నిరంజన్ రెడ్డి, చైతన్య రెడ్డి తమ ప్రైమ్‌షో ఎంటర్‌టైన్‌మెంట్‌పై ఈ పాన్ ఇండియా ప్రాజెక్ట్‌ను హై బడ్జెట్‌తో నిర్మిస్తున్నారు. ఈ సినిమాకు టైటిల్ అనౌన్స్ చేస్తూ.. ‘కార్నేజ్’ టీజర్‌ను విడుదల చేసేందుకు హైదరాబాద్‌లో వేడుకను నిర్వహించారు. ఈ వేడుకకు గ్లోబల్ స్టార్ రామ్ చరణ్ హాజరై ‘కార్నేజ్’ టీజర్‌ను లాంచ్ చేశారు. ఈ సినిమాకు ‘సంబరాల ఏటి గట్టు’ అనే టైటిల్‌ని ఫిక్స్ చేశారు. కార్నేజ్ వీడియో సాయి దుర్గ తేజ్ విధ్వంసక, ఇంటెన్స్ క్యారెక్టర్‌కు స్నీక్ పీక్ అందిస్తోంది.
Also Read- Game Changer: ‘గేమ్ చేంజర్’ అమెరికా ఈవెంట్ గెస్ట్ ఎవరో తెలుసా.. ‘పుష్ప’
ఇక ఈ కార్యక్రమంలో గ్లోబల్ స్టార్ రామ్ చరణ్ మాట్లాడుతూ.. ‘‘ఈ వేదికపై ఉన్న డైరెక్టర్స్, యాక్టర్స్, ప్రొడ్యూసర్స్‌కి, అలాగే మేము ఎంతగానో గుండెల్లో పెట్టుకొని ప్రేమించే మా అభిమానులందరికీ పేరుపేరునా నమస్కారం. ముందుగా తేజ్‌కి కంగ్రాచ్యులేషన్స్. ఒక ఫైటర్‌లా ఈ టెన్ ఇయర్స్‌ని పూర్తి చేశాడు. ఇది బ్యూటీఫుల్ జర్నీ. తేజ్ ఒక మంచి యాక్టర్ మాత్రమే కాదు మంచి వ్యక్తి. అది అందరికీ తెలుసు. తను ఒక మంచి తమ్ముడు, మంచి అన్నయ్య, మంచి కొడుకు, మంచి మేనల్లుడు. తను ప్రతి క్యారెక్టర్‌కి తపన పడతాడు. కష్టపడతాడు. మీ అందరి సపోర్ట్ వల్లే తను ఇక్కడ ఉన్నాడు. తేజు ఈరోజు ఇక్కడ ఎలా నిలిచి ఉన్నాడు అంటే.. ఆంజనేయ స్వామి మీద ఒట్టేసి చెబుతున్నాను.. అది కేవలం మీ (అభిమానుల) బ్లెస్సింగ్స్. ఇది తనకి పునర్జన్మ. ఆ మూడు నెలలు మేమంతా ఎంత భయపడ్డామంటే.. చెప్పడానికి నా దగ్గర మాటలు కూడా లేవు. ఈ జన్మ అభిమానులే ఇచ్చారు. ఆ సమయాన్ని మళ్లీ గుర్తు చేసుకోవాలని నాకు లేదు. కానీ ఆ మూడు నెలలు మాకు చాలా కష్టమైన సమయం. అంత పెద్ద యాక్సిడెంట్ తర్వాత తేజు మళ్లీ ఇక్కడ నిల్చున్నాడు అంటే తను మా తేజ్ కాదు మీ (అభిమానులు) తేజు. మీ అందరికీ తేజ్ తరఫున, మా విజయ అక్క తరపున పేరుపేరునా ధన్యవాదాలు.
సంబరాల ఏటిగట్టు.. ఇది తేజుకి 18వ సినిమా. అందరికీ ఒకటే మాట చెబుతున్నా. తేజు ఊచకోత ఎలా ఉంటుందో ఈ సినిమాతో చూడబోతున్నారు. ఔట్ స్టాండింగ్ విజువల్స్. రోహిత్ గారికి ప్రత్యేకంగా థాంక్స్ చెప్తున్నాను. తను ఫస్ట్ సినిమా చేస్తున్నట్టుగా లేదు. చాలా అద్భుతంగా ఉంది. తేజ్ మీద ఇంత పెద్ద బడ్జెట్ పెడుతున్నందుకు నిర్మాతలు నిరంజన్, చైతన్య గారికి ఆల్ ది వెరీ బెస్ట్. ఇది సినిమా పట్ల వారికి ఉన్న ఫ్యాషన్‌ని తెలియజేస్తుంది. ఐశ్వర్య గారికి, ఈ సినిమాలో పని చేస్తున్న టెక్నీషియన్స్, నటీనటులందరికీ ఆల్ ది వెరీ బెస్ట్. ఇది బిగ్గెస్ట్ బ్లాక్ బస్టర్ కావాలని మనస్ఫూర్తిగా కోరుకుంటున్నాను. తేజు ప్రేమ చాలా బండ ప్రేమ. ఒక్కసారి పట్టుకుంటే ఊపిరి కూడా ఆడదు. అంత గట్టిగా ప్రేమిస్తాడు. ఈ సినిమాతో చాలా పెద్ద బ్లాక్ బస్టర్ కొట్టి మంచి న్యూస్ కూడా వినిపించాలని కోరుకుంటున్నాను’’ అని చెప్పుకొచ్చారు.