Pushpa 2: పట్నాలో ఫైరు.. చెన్నై వైల్డ్‌ ఫైర్‌.. ఫొటోలు వైరల్‌
ABN , Publish Date - Nov 24 , 2024 | 09:38 PM
వరుస ఈవెంట్‌లతో అభిమానుల్లో వైల్డ్‌ ఫైర్‌ హీట్‌ పెంచుతున్న పుష్ప ది రూల్‌.. అల్లు అర్జున్‌కు తమిళ అమ్మాయిలు ప్రేమతో స్వాగతం..
వరుస ఈవెంట్‌లతో అభిమానుల్లో వైల్డ్‌ ఫైర్‌ హీట్‌ పెంచుతున్న పుష్ప ది రూల్‌.. (Pushpa 2 Chennai Event)
అల్లు అర్జున్‌కు తమిళ అమ్మాయిలు ప్రేమతో స్వాగతం.. (Tamil lady Fans)
చెన్నైలో కిక్కిరిసన అభిమానులు సమక్షంలో కిస్సిక్‌ సాంగ్‌ లాంచ్‌..
అసలు తగ్గేదేలే అంటున్న చెన్నై ఐకాన్‌స్టార్‌ ఫ్యాన్స్‌..
ఐకాన్‌స్టార్‌ అల్లు అర్జున్‌ హీరోగా (Allu Arjun) సుకుమార్‌ దర్శకత్వం వహిస్తున్న 'పుష్ప - ది రూల్‌’ (Pushpa 2)చిత్రం డిసెంబర్‌ 5న పాన్‌ ఇండియా స్థాయిలో విడుదల కానుంది. ఈ నేపథ్యంలో చిత్ర యూనిట్‌ ప్రమోషన్స్‌ ముమ్మరం చేసింది. ఇటీవల పట్నాలో టైలర్‌ లాంచ్‌ చేశారు.
ఇప్పుడు చెన్నైలో సినిమాలో ప్రత్యేక గీతాన్ని తమిళ అభిమానుల సమక్షంలో విడుదల చేశారు. చెన్నైలోని సాయిరామ్‌ ఇంజనీరింగ్‌ కళాశాలోని లియో ముత్తు ఇండోర్‌ స్టేడియంలో ఈ ఈవెంట్‌ భారీగా జరిగింది. ఈ ఫొటోలు నెట్టింట వైరల్‌ అవుతున్నాయి.
మొదటి రోజున 3500 షోలు...
ఈ ఈవెంట్‌లో ఏజెఎస్‌ ఎంటర్టైన్మెంట్స్‌ అర్చన కల్పాతి మాట్లాడుతూ "ఏజిఎస్‌ సంస్థను నమ్మి ఇంత గొప్ప సినిమాను మాకు ఇచ్చినందుకుగాను మైత్రీ నిర్మాతలకు ధన్యవాదాలు. పుష్ప-2 చిత్రాన్ని తమిళనాడులో మేం డిస్ట్రిబ్యూట్ చేస్తున్నందుకు ఎంతో గర్వపడుతున్నాము. సుమారు 600 స్క్రీన్స్లో ఈ సినిమాను విడుదల చేయబోతున్నాము. మొదటి రోజున 3500 షోలు ప్లాన్‌ చేశాం. దర్శకుడు సుకుమార్‌ గారంటే ఎంతో ఇష్టం. ఆయన సినిమాలు, వాటిలో ఎమోషన్స్‌ బ్యాలెన్స్‌ చేేస విధానం నాకు ఎంతగానో నచ్చుతుంది. అల్లు అర్జున్‌, రష్మిక మందన్న నటన చాలా బావుంటుంది’’ అని అన్నారు.
నవీన్‌ యెర్నేని మాట్లాడుతూ ‘‘ఇది చాలా పెద్ద సినిమా. ఈ చిత్రాన్ని మీ ముందుకు తీసుకొచ్చేందుకు మేము ఎంతో ఆనంద పడుతున్నాము. తమిళనాడులో ఈ గొప్ప విజయం సాధిస్తుందని ఆశిస్తున్నాము. త్వరలోనే తమిళనాడులో కూడా మేము సినిమాలు నిర్మించనున్నాము. మొదటి సినిమా అజిత్‌ గారితో 'గుడ్‌ బ్యాడ్‌ అగ్లి’ చేస్తున్నాము. షూటింగ్‌ అంతా అయిపోయింది. మరొక 7 రోజుల షూటింగ్‌ మాత్రమే ఉంది. త్వరలోనే చిత్రానికి సంబంధించిన అప్డేట్స్‌ ఇస్తాము. మేము సుకుమార్‌ గారి దగ్గరకు వెళ్ళినప్పుడు ఆయన ఏం చెప్పినా మాకు అద్భుతంగా అనిపించింది. మేము సుకుమార్‌ గారిని ఎంతగానో నమ్ముతాము. మాకు ఆయన పైన చాలా నమ్మకం ఉంది. భవిష్యత్తులో కూడా ఆయనతో సినిమాలు చేయడానికి మేము సిద్థంగా ఉన్నాము’’ అన్నారు.
మైత్రి మూవీ మేకర్స్‌ సీఈఓ చెర్రీ మాట్లాడుతూ "గత రెండు సంవత్సరాలుగా చిత్ర బృందం ఈ సినిమాను పూర్తి చేయడానికి ఎంతగానో కష్టపడుతూ వచ్చింది. ఈ చిత్రానికి సంబంధించి అన్ని అంశాలు పెద్దవే. అలాగే చిత్రంలో నటించిన ప్రతి ఒక్కరూ వారి పూర్తిస్థ్థాయిలో పర్ఫామ్‌ చేశారు. పుష్ప 1తో ఫైర్‌ మొదలలు పెట్టి పుష్ప 2తో వైల్డ్‌ ఫైర్‌ వచ్చేలా చేశారు. అల్లు అర్జున్‌ డిసెంబర్‌ 5 నుంచి ఇండియన్‌ ఫిల్మ్‌ ఇండస్ర్టీని రూల్‌ చేస్తారు అనడంలో ఎటువంటి సందేహం లేదు. ఇప్పటికే జాతీయ అవార్డును సొంతం చేసుకున్న అల్లు అర్జున్‌, ఈ సినిమాతో అంతర్జాతీయ అవార్డులను సొంతం చేసుకుంటారు. దర్శకుడు సుకుమార్‌తో మేము ఇప్పటికే మూడు చిత్రాలకు కలిసి పని చేశాం. ఆయన ఎంతో మిషనరీ ఉన్న దర్శకుడు. ఆయనతో పనిచేయడం మాకు సంతోషకరం. దేశంలోనే అతిపెద్ద సినిమాను ప్రతి ఒక్కరు ముందుకు తీసుకువెళ్లి వెళ్తున్నందుకు మేము ఎంతో గర్విస్తున్నాం. పుష్ప 1, పుష్ప 2 చేశాము. పుష్ప 3 చేయడానికి కూడా మేము సిద్థంగా ఉన్నాము’’ అన్నారు.