Pushpa 2: ఐదు రాష్ట్రాల్లో పుష్ప వేడుకలు.. పెద్ద ప్లానే చేశారుగా
ABN , Publish Date - Oct 27 , 2024 | 06:42 PM
ఇప్పటికే రిలీజైన ప్రమోషనల్ కంటెంట్‌తో పుష్ప 2 దూసుకుపోతుంది. కాగా ఫస్ట్ పార్ట్‌తోనే ఈ సినిమా తెలుగుతో పాటు ఇతర భాషల్లోనూ మంచి క్రేజ్ సంపాదించుకుంది. ఈ నేపథ్యంలోనే పుష్ప మేకర్స్ గ్రాండ్ ప్లాన్ చేశారు. ఏంటంటే..
ఐకాన్‌స్టార్‌ అల్లు అర్జున్ (Allu Arjun) హీరోగా తెరకెక్కుతున్న చిత్రం ‘పుష్ప: ది రూల్‌’ (Pushpa the rule) సుకుమార్‌ (Sukumar) దర్శకత్వంలో తెరకెక్కుతోన్న ఈ చిత్రం డిసెంబర్‌ 5న ప్రపంచవ్యాప్తంగా విడుదల కానుంది. అయితే ఈ సినిమాని ప్రపంచవ్యాప్తంగా 11,500 స్క్రీన్స్ లో విడుదల చేయనున్నారు. ఇటీవల మేకర్స్ ఈ విషయాన్ని వెల్లడించారు. ప్రపంచవ్యాప్తంగా ఆరు భాషల్లో 11,500 స్క్రీన్స్‌లో దీన్ని గ్రాండ్‌గా రిలీజ్ చేసేందుకు భారీగా ప్లాన్ చేస్తున్నట్లు ప్రకటించారు. ఇండియాలో 6,500.. ఓవర్సీస్‌లో 5000 స్క్రీన్స్ లో ఈ చిత్రాన్ని ప్రేక్షకుల ముందుకు తీసుకురానున్నారు. ఇప్పటివరకు ఏ ఇండియన్‌ సినిమా ఈ స్థాయిలో విడుదల కాలేదని ట్రేడ్‌ వర్గాలు చెబుతున్నాయి. మరోవైపు ఇప్పటికే రిలీజైన ఈ సినిమా ప్రమోషనల్ కంటెంట్‌తో దూసుకుపోతుంది. కాగా ఫస్ట్ పార్ట్‌తోనే ఈ సినిమా తెలుగుతో పాటు ఇతర భాషల్లోనూ మంచి క్రేజ్ సంపాదించుకుంది. ఈ నేపథ్యంలోనే పుష్ప మేకర్స్ గ్రాండ్ ప్లాన్ చేశారు. ఏంటంటే..
అల్లు అర్జున్.. పుష్ప సినిమా కన్న ముందే స్టైలిష్ స్టార్‌గా ఇతర రాష్ట్రాల్లో మంచి క్రేజ్ సంపాదించుకున్నాడు. కేరళలో మల్లు అర్జున్‌గా బన్నీ క్రేజ్ గురించి ప్రత్యేకంగా చెప్పాల్సిన అవసరం లేదు. అయితే పుష్ప రిలీజ్ తర్వాత అల్లు అర్జున్ రేంజే మారిపోయింది. సౌత్‌తో పాటు నార్త్ లోను విపరీతమైన క్రేజ్ సంపాదించుకున్నాడు. ఈ నేపథ్యంలోనే పుష్ప మేకర్స్ ఐదు భారీ ఈవెంట్‌లను వివిధ రాష్ట్రాల్లో ప్లాన్ చేశారు. హైదరాబాద్, చెన్నై, బెంగళూరు, ముంబైలతో పాటు ఏపీలో ఒక చోట ఈ ఈవెంట్స్ నిర్వహిస్తారని టాక్ ఉన్న ఇంకా అఫీషయల్‌గా ఎలాంటి సమాచారం లేదు.
దీంతో బిగ్గెస్ట్‌ రిలీజ్ ఇండియన్‌ సినిమాగా ‘పుష్ప2’ రికార్డు సృష్టించనుండడం ఖాయమేనని అంటున్నారు. ఈ చిత్రం కలెక్షన్లలోనూ సరికొత్త రికార్డులు తన ఖాతాలో వేసుకుంటుందని ట్రేడ్‌ పండితులు అంచనా వేస్తున్నారు. దీంతో ఫ్యాన్‌ ఆనందంలో మునిగి తేలుతున్నారు. అల్లు అర్జున్ సరసన రష్మిక మందన్నా నటిస్తున్న ఈ చిత్రంలో ఫహద్‌ ఫాజిల్‌, సునీల్‌, అనసూయ కీలక పాత్రల్లో కనిపించనున్నారు. మైత్రీ మూవీ మేకర్స్ పతాకంపై ఈ సినిమాను నవీన్‌ ఎర్నేని, రవి శంకర్‌ ఈ చిత్రాన్ని నిర్మిస్తున్నారు.