SKN: ‘క’ సినిమా చూశా.. చివరి పది నిమిషాలు మాత్రం ర్యాంపేజే

యంగ్ టాలెంటెడ్ హీరో కిరణ్ అబ్బవరం (Kiran Abbavaram) నటిస్తున్న భారీ పీరియాడిక్ థ్రిల్లర్ సినిమా క (Ka Movie). ఈ సినిమాలో నయన్ సారిక, తన్వీ రామ్ హీరోయిన్స్ గా నటిస్తున్నారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్ మెంట్స్ తో బ్యానర్ పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్ తో నిర్మిస్తున్నారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో ‌"క" సినిమాను రూపొందిస్తున్నారు. ఈ సినిమా ఈ నెల 31న దీపా‌వళి పండుగ సందర్భంగా తెలుగులో గ్రాండ్ థియేట్రికల్ రిలీజ్ కు రెడీ అవుతోంది. "క" సినిమాను తెలుగులో ప్రొడ్యూసర్ వంశీ నందిపాటి, మలయాళంలో హీరో దుల్కర్ సల్మాన్ తన వేఫర్ ఫిలింస్ పై రిలీజ్ చేయబోతున్నారు. హీరో నాగ చైతన్య ముఖ్య అతిథిగా ఈ రోజు క (Ka Movie) సినిమా ప్రీ రిలీజ్ ఈవెంట్ హైదరాబాద్ లో ఘనంగా నిర్వహించారు.

ఈ కార్యక్రమంలో ప్రొడ్యూసర్ SKN మాట్లాడుతూ.. భార‌త దేశంలో ఏ రాష్ట్రంలో లేని అభిమానులు మ‌న రాష్ట్రానికే సొంతం. "క" సినిమా కంటెంట్ ను నా మిత్రుడు వంశీ నందిపాటి చూపించాడు. మెస్మరైజింగ్ గా ఉంది కంటెంట్. సినిమా చివరి పది నిమిషాలు మాత్రం ర్యాంపేజ్ లా ఉంటుంది. కిరణ్ అబ్బవరం కంటెంట్ మీద సినిమాలు చేసే హీరో. ఇలాంటి హీరోలు బాగుంటే ఇండస్ట్రీ బాగుంటుంది. ప్రొడ్యూసర్ చింతా గోపాలకృష్ణ రెడ్డి గారికి నా బెస్ట్ విశెస్ చెబుతున్నా. అలాగే సినిమాను రిలీజ్ చేస్తున్న నా ఫ్రెండ్ వంశీకి ఆల్ ది బెస్ట్. తను పొలిమేర 2, కమిటీ కుర్రోళ్లు వంటి సక్సెస్ ఫుల్ సినిమాలు డిస్ట్రిబ్యూట్ చేశాడు. ఈరోజు "క" సినిమాకు కూడా మంచి బజ్ క్రియేట్ అయ్యింది. ఈ సినిమా కూడా తనకు మంచి సక్సెస్ ఇవ్వాలి. అలాగే మోస్ట్ హంబుల్ హీరో నాగ చైతన్య గారికి థ్యాంక్స్ చెబుతున్నా ఈ ఈవెంట్ కు వచ్చినందుకు. తప్పకుండా "క" సినిమా పెద్ద విజయం సాధిస్తుందన్నారు.