Prabhas: యుద్ధ నేపథ్యంలో సాగే ప్రేమకథ!

ప్రభాస్‌ (Prabhas) హీరోగా హను రాఘవపూడి (Hanu Raghavapudi) దర్శకత్వంలో ఓ చిత్రం రూపొందనున్న సంగతి తెలిసిందే! ఈ చిత్రానికి ‘ఫౌజీ’ అనే టైటిల్‌ పరిశీలిస్తున్నారు. ఫౌజీ (Fauji) అంటే సైనికుడు అని అర్థం. ఈ సినిమాలో ప్రభాస్‌ సైనికుడిగా నటిస్తున్నాడు. అందుకే ఈ టైటిల్‌ పెడితే బాగుంటుందని చిత్రబృందం భావిస్తోందట. ప్రస్తుతానికి ఇదే ఈ సినిమా వర్కింగ్‌ టైటిల్‌. దీనికంటే మంచి టైటిల్‌ ఆలోచన వస్తే.. దాన్నే ఫిక్స్‌ చేస్తారట. లేదా ‘ఫౌజీ’ టైటిల్‌నే ఖరారు చేస్తారట. 1947 కంటే ముందు సాగే కథ ఇది. ప్రభాస్‌ బ్రిటీష్‌ సైన్యంలో ఓ సోల్జర్‌గా కనిపించనున్నాడు.

యుద్థ నేపథ్యం ఉన్నా హను స్టైల్‌లో సాగే అందమైన ప్రేమకథ కూడా ఇందులో మేళవించబోతున్నారని వినికిడి. కథానాయికగా చాలా పేర్లు పరిశీలనలో ఉన్నాయి. ‘సీతారామం’ ఫేమ్‌ మృణాళ్‌ ఠాకూర్‌ (mrunal thakur) పేరు దాదాపుగా ఖాయమైనట్లు తెలుస్తోంది. విశాల్‌ చంద్రశేఖర్‌ ఈ చిత్రానికి సంగీతం అందిస్తున్నారు. ఇప్పటికే కొన్ని బాణీలు సిద్థం చేసినట్టు తెలుస్తోంది. మైత్రీ మూవీస్‌ సంస్థ భారీ బడ్జెట్‌తో ఈ చిత్రాన్ని నిర్మిస్తోంది.