Nithiin: ఆ నలుగురు ఫేట్ మార్చగలరా!
ABN , Publish Date - Nov 12 , 2024 | 06:54 AM
హీరో నితిన్ గత కొన్నేళ్ల నుండి మంచి బ్లాక్ బస్టర్ డెలివరీ చేయలేకపోయాడు. వస్తే యావరేజ్ లేకపోతే ప్లాప్. అయినా సరే నితిన్ ఏ మాత్రం తగ్గకుండా నలుగురు టాలెంటెడ్ డైరెక్టర్స్ తో సూపర్ ప్రాజెక్ట్స్ ఓకే చేశాడు. సో, ఆ నలుగురు నితిన్ ఫేట్ మార్చగలరా? ఇంతకీ ఏంటి ఆ ప్రాజెక్ట్స్? ఆ డైరెక్టర్స్ ఎవరంటే..
హీరో నితిన్ హిట్లు, ప్లాప్ లు లెక్క చేయకుండా వరుస సినిమాలతో దూసుకుపోతున్నాడు. ఆయన గత కొన్నేళ్ల నుండి మంచి బ్లాక్ బస్టర్ డెలివరీ చేయలేకపోయాడు. వస్తే యావరేజ్ లేకపోతే ప్లాప్. అయినా సరే నితిన్ ఏ మాత్రం తగ్గకుండా నలుగురు టాలెంటెడ్ డైరెక్టర్స్ తో సూపర్ ప్రాజెక్ట్స్ ఓకే చేశాడు. సో, ఆ నలుగురు నితిన్ ఫేట్ మార్చగలరా? ఇంతకీ ఏంటి ఆ ప్రాజెక్ట్స్? ఆ డైరెక్టర్స్ ఎవరంటే..
నితిన్ నటిస్తోన్న యూనిక్ యాక్షన్, హీస్ట్ కామెడీ ఎంటర్‌టైనర్ చిత్రం ‘రాబిన్‌హుడ్‌’. యంగ్ బ్యూటీ శ్రీలీల హీరోయిన్‌గా నటిస్తున్న ఈ చిత్రానికి వెంకీ కుడుముల దర్శకుడు. ఈ సినిమాని డిసెంబర్ 20న రిలీజ్ చేద్దామని ఫిక్స్ మేకర్స్ ఫిక్స్ అయ్యారు. త్రివిక్రమ్ శిష్యుడిగా ఇండస్ట్రీలోకి అడుగుపెట్టిన వెంకీ కుడుములు మొదటి రెండు సినిమాలు చలో, భీష్మ సినిమాలతో పర్లేదు అనిపించాడు. ఇక ఇది నితిన్ తో ఆయనకీ రెండో సినిమా.. 'రాబిన్‌హుడ్‌' తో ఆయన హ్యాట్రిక్ అందుకొని హీరో నితిన్ కి బ్లాక్ బస్టర్ ఇస్తాడేమో తెలియాలంటే డిసెంబర్ 20 వారికి ఆగాల్సిందే.
ఓహ్ మై ఫ్రెండ్ సినిమాతో దర్శకుడిగా పరిచయమైన టాలెంటెడ్ ఆర్టిస్ట్ వేణు శ్రీరామ్. ఆయన ఆ తర్వాత మిడిల్ క్లాస్ అబ్బాయి ( MCA ), వకీల్ సాబ్ సినిమాలతో ఆయన మంచి బ్లాక్ బస్టర్లు అందుకున్నాడు. ఇప్పుడు నితిన్ తో పవర్ స్టార్ పవన్ కళ్యాణ్ టైటిల్ 'తమ్ముడు' పేరుతో మరో సినిమా తెరకెక్కిస్తున్నాడు. ఈ సినిమా వచ్చేయేడాది మహాశివరాత్రి సందర్భంగా రిలీజ్ కానుంది.
నటుడిగా, కామెడీయన్‌గా మంచి గుర్తింపు పొందిన ఆర్టిస్ట్ వేణు యేల్దండి (Venu Yeldandi). జబర్దస్త్ షోతో స్టార్ కామెడీయన్‌గా ఎదిగిన వేణు.. 'బలగం' (Balagam) సినిమా తీసి అందరిని ఆశ్చర్యపరిచాడు. తెలంగాణ మాండలికం, ఎమోషనల్ స్టోరీ నేరేటివ్‌తో తెలుగు రాష్ట్రాల్లోని ప్రజలని కట్టిపడేసాడు. దీంతో ఆయన నెక్స్ట్ సినిమా 'ఎల్లమ్మ'పై సర్వత్రా ఆసక్తి నెలకొంది. ఈ సినిమా కోసం మొదట్లో పలువురు హీరోలను కాంటాక్ట్ అయినా చివరికి నితిన్ నే కన్ఫర్మ్ చేశారు నిర్మాత దిల్ రాజు. ఇక వేణు నెక్స్ట్ సినిమా ఎలా ఉండబోతుందో అని సర్వత్రా ఆసక్తి నెలకొంది. ఇది కూడా బలగం రేంజ్ లో హిట్ అయితే నితిన్ ఫేట్ మారినట్లే.
ఇక టాలెంటెడ్ అండ్ ప్రయోగాత్మక చిత్రాల దర్శకుడు విక్రమ్ కే కుమార్ తో కూడా నితిన్ ఒక ప్రాజెక్ట్ చేయనున్నట్లు టాక్ వినిపిస్తుంది. ఈ వార్త నిజమైతే ఎంతో బాగుండు అని నితిన్ ఫ్యాన్స్ బలంగా కోరుకుంటున్నారు. ఇక నితిన్ కి 'దిల్' సినిమాతో లైఫ్ ఇచ్చిన దిల్ రాజే ఇప్పుడు ఆయన రెండు సినిమాలు నిర్మిస్తున్నాడు.