Robinhood Teaser: క్రిస్మస్‌కి నితిన్ కొట్టేలానే ఉన్నాడు
ABN , Publish Date - Nov 14 , 2024 | 11:55 PM
హీరో నితిన్ నటిస్తోన్న తాజా చిత్రం ‘రాబిన్ హుడ్’. మైత్రీ మూవీ మేకర్స్ నిర్మిస్తోన్న ఈ సినిమాలో శ్రీలీల హీరోయిన్‌గా నటిస్తోంది. తాజాగా ఈ చిత్ర టీజర్‌ని మేకర్స్ వదిలారు. ఈ టీజర్ ఎలా ఉందంటే..
హీరో నితిన్, దర్శకుడు వెంకీ కుడుముల బ్లాక్‌బస్టర్ కాంబినేషన్‌లో యూనిక్ యాక్షన్, హీస్ట్ కామెడీ ‘రాబిన్‌హుడ్’ ఇన్నోవేటివ్ ప్రోమోలతో హ్యుజ్ బజ్ క్రియేట్ చేసిన విషయం తెలిసిందే. పోస్టర్లు, క్యారెక్టర్‌ ఇంట్రడక్షన్‌ గ్లింప్స్‌ మంచి స్పందనను రాబట్టుకుని, సినిమాపై భారీ క్రేజ్‌ని పెంచాయి. ప్రస్తుతం విడుదలకు సిద్ధమవుతున్న ఈ క్రేజీ హై-బడ్జెట్ మూవీని మైత్రీ మూవీ మేకర్స్ నిర్మిస్తున్నారు. నవంబర్ 14న ఈ అడ్వెంచర్ అండ్ హైలీ ఎంటర్‌టైనింగ్ మూవీ టీజర్‌ను రిలీజ్ చేసి.. ప్రమోషన్స్‌ని మేకర్స్ ఓ రేంజ్‌లో స్టార్ చేశారు.
Also Read- మెగా మేనల్లుడికి ఏపీ డిప్యూటీ సీఎం అభినందనలు.. ఎందుకంటే
టీజర్ విషయానికి వస్తే.. ఓ పవర్ ఫుల్ వాయిస్‌ఓవర్‌తో టీజర్ ప్రారంభమైంది. నితిన్ హై-ఫై ఇళ్లను లక్ష్యంగా చేసుకుని, అడ్వంచరస్ దోపిడీలను చేసే మోడరన్ రాబిన్‌హుడ్‌గా పరిచయం అయ్యారు. అతనికి ప్రత్యేకమైన ఎజెండా లేదా నిర్దిష్ట కారణం ఏమీ లేదు, అతని ఏకైక మోటివేషన్ డబ్బు. ఇలాంటి సిట్యువేషన్స్‌లో అతను పవర్ ఫుల్ కుటుంబ నేపథ్యం శ్రీలీలని ఇష్టపడతాడు. ఇది ఇప్పటికే డేంజర్‌లో వున్న అతని లైఫ్ ని మరింత కాంప్లికేట్ చేస్తుంది. వెంకీ కుడుముల ప్రతి ప్రమోషన్ మెటీరియల్‌లో నెరేటివ్‌లో తనదైన మార్క్ చూపిస్తున్నారు. ఈసారి, టీజర్ నితిన్ పాత్రపై మరింత ఇన్ సైట్‌ని అందిస్తూ, మూవీ ప్రిమైజ్‌ని గ్లింప్స్‌గా అందిస్తుంది. వినోదం, యాక్షన్, బ్రెత్ టేకింగ్ మూమెంట్స్ బ్లెండ్‌తో దర్శకుడు ప్రేక్షకులను కట్టిపడేశాడు.
ఇక నితిన్ రాబిన్‌హుడ్‌గా అదరగొట్టారు, డిఫరెంట్ లుక్‌లలో డైనమిక్ పెర్ఫార్మెన్స్ అందించాడు. ఒక సీన్ నిజమైన దేశభక్తుడు ఏజెంట్ రాబిన్‌హుడ్, మరో సీన్‌లో అరబ్ షేక్‌గా కనిపించి తీరు విశేషంగా అలరించింది. సినిమా రెండు విభిన్న కోణాలను, నితిన్ వెర్సటాలిటీని హైలైట్ చేస్తుంది. ఇక లాస్ట్‌లో పంజాబీ డ్రస్ డైలాగ్ విన్నవాళ్లు నవ్వకుండా ఉండలేరు. అంత హిలేరియస్‌గా ఈ టీజర్‌ని కట్ చేశారు. శ్రీలీల రిచ్ అండ్ ఆరోగేంట్ గర్ల్‌గా తన పాత్రలో అలరించింది. రాజేంద్రప్రసాద్, వెన్నెల కిషోర్, షైన్ టామ్ చాకో పాత్రలను కూడా ఈ టీజర్‌లో పరిచయం చేశారు. టెక్నికల్‌గా హై స్టాండర్ట్స్‌లో ఉందీ టీజర్. జీవీ ప్రకాష్ కుమార్ మరోసారి తన ప్రతిభను కనబరిచారు. మొత్తంగా అయితే కాస్త ‘కిక్’ లక్షణాలు కనిపించినా.. ఈ డిసెంబర్ 25 క్రిస్మస్ రోజు నితిన్ గట్టిగానే కొట్టేలా ఉన్నాడు. అంతలా ఈ టీజర్ అంచనాలను పెంచేస్తోంది.