NBK 109: బాలయ్య సినిమా అందుకే ఆలస్యం
ABN , Publish Date - Nov 09 , 2024 | 04:28 PM
బాలయ్య 109వ చిత్ర టైటిల్, టీజర్ దసరా నుండి రివీల్ చేస్తామన్న మూవీ యూనిట్ మాట నిలబెట్టుకోలేకపోయింది. ఇంతకీ సినిమా ఆలస్యం కావడానికి డైరెక్టర్‌కి ఏమైనా సంబంధం ఉందా? ఎం జరిగిందంటే..
నందమూరి బాలకృష్ణ (Nandamuri Balakrishna), బాబి (Bobby Kolli) కాంబోలో 'NBK 109' సినిమా తెరకెక్కుతున్న సంగతి తెలిసిందే. దసరా సందర్భంగా ఈ చిత్రం టైటిల్ అనౌన్స్‌ చేస్తారని అభిమానులు ఎదరుచూశారు. కానీ అది జరగలేదు. కాగా దీపావళి కానుకగా ఈ సినిమా టీజర్ విడుదల చేయడంతో పాటు, టైటిల్ కూడా రివీల్ చేస్తామని మేకర్స్‌ ప్రకటించిన.. మాట మీద నిలబడలేకపోయారు. ఇంతకీ బాలయ్య సినిమా ఆలస్యం కావడానికి కారణమేంటో తెలిసింది. ఇంతకీ అదేంటంటే..
అయితే ఈ సినిమా షూటింగ్ కంప్లీట్ అయ్యి డిసెంబర్ లో ఫస్ట్ కాపీ చేతికి రావాల్సి ఉంది. కానీ.. డైరెక్టర్ బాబీ ఆ డెడ్ లైన్ రీచ్ కాలేకపోయాడట. ప్రస్తుతం ఇంకో రెండు, మూడు కీలక భాగాలను షూట్ చేయాల్సి ఉంది. దీంతో మూవీ టీమ్ ఎలాంటి అప్డేట్స్ ఇవ్వలేకపోతుంది. మరోవైపు బాలయ్య.. బోయపాటి డైరెక్షన్‌లో 'అఖండ తాండవానికి' సిద్దమవుతున్నాడు. ఆహా ఆన్‌స్టాపబుల్ 4తో దూసుకుపోతున్నాడు.
అయితే ఈ చిత్రం కోసం రెండు టైటిళ్లు పరిశీలిస్తున్నట్లు సమాచారం. ‘డాకూ మహారాజా’ (Daaku Maharaja), ‘సర్కార్‌ సీతారామ్‌’ ఈ రెండింటిలో ఒకటి ఫిక్స్‌ చేసే అవకాశాలున్నాయని సన్నిహితుల నుంచి సమాచారం. ఈ చిత్రంలో బాలయ్య బంధిపోటు తరహా పాత్ర పోషిస్తున్నారు. అందుకే డాకూ మహారాజా టైటిల్‌ను ఫైనల్‌ చేసే అవకాశం ఉందని తెలుస్తోంది. ఆ టైటిల్ క్లాస్‌కి కనెక్ట్‌ కాదనుకుంటే సర్కార్‌ సీతారామ్‌’కి సై అనే ఛాన్స్‌ ఉంది. ఈ టాక్‌ బయటకు వచ్చినప్పటి నుంచి అభిమానులు అయితే డాకూ మహారాజానే బాగుందని ఫీడ్‌ బ్యాక్‌ ఇస్తున్నారు.