NTR: నందమూరి కొత్త హీరోకి.. నారా భువనేశ్వరి విషెస్‌

నందమూరి కుటుంబం నుంచి నాలుగో తరం హీరో టాలీవుడ్‌లోకి అడుగుపెట్టాడు. అతని పేరు ఎన్టీఆర్‌ (ntr). నందమూరి జానకీరామ్‌కి తనయుడు (Janakiram Son), నందమూరి హరికృష్ణ మనవడు. సీనియర్‌ ఎన్టీఆర్‌కి ముని మనవడు అన్నమాట. వైవీఎస్‌ చౌదరి దర్శకత్వంలో తెరకెక్కించే సినిమాతో కొత్త ఎన్టీఆర్‌ హీరోగా ఎంట్రీ ఇస్తున్నాడు. త్వరలోనే షూటింగ్‌ ప్రారంభం కానుంది.  ప్రస్తుతం ఎన్టీఆర్‌ శిక్షణలో ఉన్నాడు. దీపావళి సందర్భంగా అతని ఫస్ట్‌ లుక్‌ రివీల్‌ చేశారు దర్శకుడు వైవీఎస్‌ చౌదరి. ఎన్టీఆర్‌లో హీరో ఫీచర్స్‌ బాగానే ఉన్నాయి. మంచి హైట్‌, కలర్‌, వాయిస్‌ కూడా బాగుంది. అతను సినీరంగం ఎంట్రీపై జూ.ఎన్టీఆర్‌(Jr Ntr), కల్యాణ్‌రామ్‌ (kalyan Ram) ముందుగానే విషెస్‌ చెప్పారు.

తాజాగా నారా భువనేశ్వరి (Nara bhuvaneswari) కూడా సోషల్‌ మీడియా వేదికగా జానకీరామ్‌ కుమారుడు ఎన్టీఆర్‌కు శుభాకాంక్షలు చెప్పారు. ఈ మేరకు ఆమె ట్వీట్‌ చేశారు. ువైవీఎస్‌ చౌదరి దర్శకత్వంలో మా రామ్‌ హీరోగా పరిచయం అవుతున్నాడన్న విషయం తెలిసి చాలా థ్రిల్‌ ఫీలయ్యా. గర్వంగానూ ఉంది. తెలుగు ఆడియన్స్‌ హృదయాల్లో మంచి స్థానం సంపాదించుకుంటాడని నమ్ముతున్నా. జానకీరామ్‌ కొడుకుగా, దివంగత నా సోదరుడు హరికృష్ణగారికి మనవడి, లెజండరీ ఎన్టీఆర్‌గారికి మునిమనవడిగా మా కుటుంబ వారసత్వాన్ని గౌరవప్రదంగా ముందుకు తీసుకెళ్తాడని  పూర్తి నమ్మకం ఉంది’’ అని అన్నారు. అయితే ఇప్పటి దాకా బాలకృష్ణ అయితే తన అన్న మనవడికి శుభాకాంక్షలు అందించిన దాఖలాలు కనిపించలేదు. మరో పక్క బాలయ్య కుమారుడు మోక్షజ్ఞ కూడా ఎంట్రీ ఇస్తున్నాడు.  ఎన్టీఆర్‌, అటు మోక్షజ్ఞ సినిమాలు ఒకేసారి సెట్స్‌ మీదకెళ్తాయి. దాదాపు ఒకే సమయంలో విడుదల అయ్యే అవకాశాలు ఉన్నాయి. ఈ నేపథ్యంలో నందమూరి కుటుంబం, అందులోని హీరోలు ఈ ఎన్టీఆర్‌ని ఎలా ఆశీర్వదిస్తారు అనేది ఆసక్తిగా మారింది. నందమూరి ఫ్యామిలీ నుంచి చాలామంది హీరోలొచ్చారు. ఈ తరంలో నిలదొక్కుకొన్నది  ఎన్టీఆర్‌, కల్యాణ్‌ మాత్రమే. మరి నాలుగో తరం అదృష్టం ఎలా ఉందో? మోక్షజ్ఞకు  సపోర్ట్‌ ఉంటుంది. ఈ విషయంలో ఎలాంటి అనుమానం లేదు. పైగా పెద్ద బ్యానర్‌, క్రేజ్‌ ఉన్న దర్శకుడి చేతిలో మోక్షజ్ఞని పెట్టారు. మరి జానకీరామ్‌ తనయుణ్ణి ఫ్యాన్స్‌ ఎలా రిసీవ్‌ చేసుకొంటారు అనేది చూడాలి.