Tollywood: నందమూరి నాలుగో తరం ఎంట్రీ ఫిక్స్.. ఎప్పుడంటే

నందమూరి వారసత్వాన్ని మరింత ముందుకు తీసుకువెళ్లేందుకు ఆ ఫ్యామిలీ నాల్గవ తరం నటులు రెడీ అవుతున్నారు. లెజెండరీ నటుడు ఎన్టీఆర్ ముని మనవడు, హరికృష్ణ మనవడు, దివంగత జానకిరామ్ తనయుడు యంగ్ చాప్ నందమూరి తారక రామారావు నటుడిగా గ్రాండ్ ఎంట్రీ ఇవ్వబోతున్నారు. డైరెక్టర్ వైవిఎస్ చౌదరి రచన, దర్శకత్వం వహిస్తున్న ఈ సినిమా గురించి గతంలోనే టాక్ వినిపించిన కనీసం ఫస్ట్ లుక్ కూడా విడదల చేయలేదు. ఈ క్రమంలోనే దర్శకుడు వైవిఎస్ చౌదరి దీపావళి కానుకగా ఒక సూపర్ అప్డేట్ ఇవ్వనున్నట్లు సమాచారం. దీంతో నందమూరి అభిమానులు ఎగిరి గంతేస్తున్నారు. ఇంతకీ ఆ అప్డేట్ ఏంటంటే..

డైనమిక్ డైరెక్టర్ వైవిఎస్ చౌదరి రచన, దర్శకత్వం వహిస్తున్న ఈ ఎక్సయిటింగ్ ప్రాజెక్ట్‌ని ‘న్యూ టాలెంట్ రోర్స్ @’ బ్యానర్‌పై యలమంచిలి గీత నిర్మించనున్నారు. కాగా ఈ ప్రాజెక్ట్ రెండు నెలల క్రితమే అనౌన్స్ అయినా ఎలాంటి అప్డేట్ రాలేదు. దీపావళి కానుకగా ఒక రోజు ముందే అక్టోబర్ 30న ఈ సినిమా ఫస్ట్ లుక్‌ని రిలీజ్ చేయనున్నారు. ఆస్కార్ విన్నింగ్ కంపోజర్ ఎంఎం కీరవాణి ఈ సినిమాకి సంగీతం, ఆస్కార్ విన్నింగ్ లిరిక్ రైటర్ చంద్రబోస్ ఈ సినిమాకి సాహిత్యం, స్టార్ డైలాగ్ రైటర్ సాయి మాధవ్‌ బుర్రా మాటలు ఈ సినిమాకు అందించబోతున్నట్లుగా వైవిఎస్ చౌదరి అధికారికంగా ప్రకటించారు. అలాగే ఈ సినిమాలో కథానాయికగా నటించబోయే హీరోయిన్ పేరుని కూడా ఆయన అనౌన్స్ చేశారు. ఈ చిత్రంలో తెలుగమ్మాయి వీణ రావ్ హీరోయిన్‌గా సెలక్ట్ చేసినట్లుగా వైవిఎస్ చౌదరి తెలియజేశారు.

డైరెక్టర్ కమ్ ప్రొడ్యూసరైన వైవిఎస్ చౌదరి గతంలో శ్రీ సీతా రాముల కల్యాణం చూతము రారండి, సీతారామ రాజు, యువరాజు, లాహిరి లాహిరి లాహిరిలో, సీతయ్య, టైగర్ హరిశ్చంద్ర ప్రసాద్, దేవదాసు, ఒక్క మగాడు, సలీమ్, నిప్పు, రేయ్ సినిమాలకి పనిచేశాడు.