Matka: 'కింగ్'ని కలిసిన 'మెగా ప్రిన్స్'.. ఎందుకో తెలిస్తే సంతోషపడుతారు
ABN , Publish Date - Nov 09 , 2024 | 05:11 PM
కోలీవుడ్ స్టార్ డైరెక్టర్ 'పా రంజిత్' ‘మట్కా’ సినిమాకి మద్దతు తెలిపిన వేళా మెగా ప్రిన్స్ 'వరుణ్ తేజ్' కింగ్ 'నాగార్జున'ని కలిశారు. ఎందుకంటే..
మెగా ప్రిన్స్ వరుణ్ తేజ్ హీరోగా డైరెక్టర్ కరుణ కుమార్‌ తెరకెక్కించిన చిత్రం ‘మట్కా’ . మీనాక్షి చౌదరి హీరోయిన్‌గా నటించారు. నవంబరు 14న ఈ చిత్రం ప్రేక్షకుల ముందుకు రానుంది. ఇటీవల ఈ సినిమా ట్రైలర్‌ను మెగాస్టార్ చిరంజీవి చేతుల మీదుగా రిలీజ్ చేశారు. ఈ ట్రైలర్ ఆడియెన్స్‌లో మంచి రెస్పాన్స్ సొంతం చేసుకుంటుంది. మరోవైపు టాలీవుడ్ టాప్ డైరెక్టర్లు, స్టార్ హీరోల నుండి కూడా మంచి ప్రశంసలు అందుకుంటుంది. మరోవైపు కోలీవుడ్ స్టార్ డైరెక్టర్ 'పా రంజిత్' కూడా ఈ సినిమాకి మద్దతు తెలపడంతో అంచనాలు మరింత పెరిగాయి. ఈ నేపథ్యంలోనే మెగా ప్రిన్స్ వరుణ్ తేజ్.. కింగ్ నాగార్జునని కలిశారు. ఎందుకంటే..
ఇప్పటికే రిలీజైన పాటలు, పోస్టర్స్ సినిమాకి మంచి హైప్ తీసుకురావడంతో సినిమాపై బజ్ క్రియేట్ అయ్యింది. మరోవైపు వరుస ఇంటర్యూలతో మూవీ మంచి హడావిడి చేస్తోంది. ఈ నేపథ్యంలోనే ఈరోజు రాత్రి( శనివారం) ప్రసారం కానున్న బిగ్ బాస్ షో లో కనిపించనున్నారు. ఈ క్రమంలోనే మెగాప్రిన్స్ వరుణ్ తేజ్ మట్కా టీమ్ తో కలిసి నాగార్జునని మీట్ అయ్యారు.
Also Read-కుమారుడి పెళ్లిలో కన్నీటితో కూలబడిన స్టార్ యాక్టర్
ఇక ‘పలాస 1978’, ‘శ్రీదేవి సోడా సెంటర్‌’ సినిమాలతో అలరించారు దర్శకుడు కరుణ కుమార్‌. తాజాగా ఆయన దర్శకత్వం వహించిన చిత్రమిది. పీరియాడిక్‌ డ్రామాగా సిద్థమైంది. వరుణ్ నాలుగు భిన్నమైన గెటప్పుల్లో కనువిందు చేయనున్నారు. రతన్‌ ఖత్రి అనే గ్యాంబ్లర్‌ స్టోరీని ఆధారంగా చేసుకొని ఫిక్షనల్‌ కథ సిద్థం చేశామని దర్శకుడు చెప్పారు. ‘‘వాసు అనే వ్యక్తి ప్రయాణమే ఈ కథ. 1958లో చిన్నతనంలోనే శరణార్థిగా బర్మా నుంచి వైజాగ్‌కు వస్తాడు. అక్కడి నుంచి ఒక్కో మెట్టు ఎక్కుతూ ‘మట్కా’ కింగ్‌లా ఎలా మారాడనేది కథ’’ అని వరుణ్ తేజ్ ట్రైలర్ విడుదల కార్యక్రమంలో తెలిపారు.