Kannappa: ‘కన్నప్ప’కి సోమవారం గుర్తొచ్చింది.. మోహన్ లాల్ లుక్ అవుట్
ABN , Publish Date - Dec 16 , 2024 | 02:27 PM
ఈ ఏడాది జూన్ 14న కన్నప్ప సినిమా ఈవెంట్ లో మంచు విష్ణు మాట్లాడుతూ.. సినిమా రిలీజ్ అయ్యేవరకు ప్రతి సోమవారం ఒక అప్డేట్ అందిస్తామన్నారు. చెప్పినట్లుగానే.. ప్రతి సోమవారం ఒక అప్డేట్ రిలీజ్ చేస్తూ.. ఆడియెన్స్‌లో మంచి బజ్ క్రియేట్ చేశారు. అయితే గత మూడు నెలల నుండి అప్డేట్స్ ఇస్తూ వచ్చిన టీమ్.. రెండు నెలల నుండి ఎలాంటి అప్డేట్ ఇవ్వకపోవడంతో మంచు ఫ్యాన్స్ కంగారు పడ్డారు.
విష్ణు మంచు (Vishnu Manchu) డ్రీమ్ ప్రాజెక్ట్‌గా భారీ స్థాయిలో రూపుదిద్దుకుంటోన్న చిత్రం ‘కన్నప్ప’ (Kannappa). అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై ఎంతో ప్రతిష్టాత్మకంగా డా. మోహన్ బాబు (Manchu Mohan Babu) నిర్మిస్తున్న ఈ మూవీకి ముఖేష్ కుమార్ సింగ్ దర్శకత్వం వహిస్తున్నారు. ఈ సినిమాకు సంబంధించి ఇప్పటి వరకు వచ్చిన అప్డేట్స్ అన్నీ సినిమాపై భారీగా అంచనాలను పెంచేసిన విషయం తెలిసిందే. ఈ క్రమంలో మాలీవుడ్ దిగ్గజం మోహన్ లాల్ లుక్‌ను మేకర్స్ విడుదల చేశారు.
‘కన్నప్ప’ సినిమాలో మోహన్ లాల్ 'కిరాట' అనే ముఖ్యపాత్రలో నటిస్తున్నట్లు తెలుపుతూ ఓ పోస్టర్ రిలీజ్ చేశారు. దీనికి క్యాప్షన్ గా మాస్టర్ ఆఫ్ ది పాశుపతాస్త్రం, విక్టర్ ఓవర్ ది విక్టోరియస్, ది లెజెండరీ కిరాట ఆఫ్ ది ఫారెస్ట్‌ అంటూ మెన్షన్ చేయడం పాత్రపై బజ్ పెంచుతోంది. ఈ పోస్టర్ లో మోహన్ లాల్ చాలా గంభీరంగా కనిపిస్తున్నారు.
‘కన్నప్ప’ ఏ తరానికి అయినా కొత్తగానే ఉంటుందని, భక్తి భావం, ధూర్జటి మహాకవి ఎలా రాశారు? శ్రీకాళహస్తి మహత్యం ఏంటి? అన్నది ఈ చిత్రంలో చూపించబోతున్నామని ఇప్పటికే మోహన్ బాబు చెప్పడం.. అందుకు తగ్గట్టుగా కొత్త పోస్టర్స్ వదులుతుండటం చూస్తూనే ఉన్నాం. ఇలా వచ్చిన ప్రతి పోస్టర్ సినిమాపై క్రేజ్‌కు కారణంగా నిలుస్తోంది. పరమేశ్వరుడు ఇచ్చిన ఆజ్ఞతోనే ఈ సినిమా తీశాం అని మోహన్ బాబు అన్నారు. ఈ సినిమాలో మోహన్ బాబు మనవడు, మంచు విష్ణు తనయుడు అవ్రామ్ సినీ ఎంట్రీ ఇస్తుండటం విశేషం. ఓ వైపు షూటింగ్ చేస్తూనే మరోవైపు ‘కన్నప్ప’ సినిమాపై బజ్ క్రియేట్ చేస్తున్నారు మేకర్స్. కచ్చితంగా ఈ సినిమా టాలీవుడ్‌లో ఓ మైలురాయి నిలిచిపోతుందని మేకర్స్ ఆశాభావం వ్యక్తం చేస్తున్నారు.