Vishnu Manchu: మంచు విష్ణు గురించి ఈ విషయాలు తెలుసా..
ABN , Publish Date - Nov 23 , 2024 | 03:22 PM
కలెక్షన్ కింగ్ మంచు మోహన్ బాబు తనయుడిగా అడుగుపెట్టి, టాలీవుడ్‌లో తనకంటూ ఓ పేజీని ఏర్పరచుకున్న హీరో మంచు విష్ణు. ప్రస్తుతం ఆయన ‘మా’ అధ్యక్షుడిగానూ కొనసాగుతున్నారు. అలాగే ఆయన డ్రీమ్ ప్రాజెక్ట్‌ని ఎంతో ప్రతిష్టాత్మకంగా తెరకెక్కిస్తున్నారు. నవంబర్ 23 మంచు విష్ణు బర్త్ డే. ఈ సందర్భంగా విష్ణు మంచు గురించి కొన్ని విషయాలు..
కలెక్షన్ కింగ్ మంచు మోహన్ బాబు తనయుడు, టాలీవుడ్ డైనమిక్ హీరో విష్ణు మంచు పుట్టినరోజు (నవంబర్ 23) నేడు. 43వ పుట్టిన రోజును జరుపుకుంటున్న విష్ణు మంచుకు సోషల్ మీడియా వేదికగా శుభాకాంక్షలు వెల్లువెత్తుతున్నాయి. సెలబ్రిటీ కిడ్‌గా ఇండస్ట్రీలోకి అడుగు పెట్టిన మంచు విష్ణు.. ఎన్నో విలక్షణ పాత్రలు పోషించి తెలుగు చిత్రసీమలో తనకంటూ ఒక ప్రత్యేక గుర్తింపు తెచ్చుకున్నారు. అంతేకాదు, మూవీ ఆర్టిస్ట్ అసోసియేషన్ (MAA) అధ్యక్ష పీఠం దక్కించుకున్నారు. విష్ణు మంచు బర్త్ డేని పురస్కరించుకుని ఆయన డ్రీమ్ ప్రాజెక్ట్ ‘కన్నప్ప’ మూవీ యూనిట్ ఆయనకు ప్రత్యేకంగా శుభాకాంక్షలు చెబుతున్నారు. మంచు విష్ణు గురించి కొన్ని విషయాలు..
Also Read-Kushboo: నాకేమైనా ఛాన్స్ ఉందా.. అంటూ ఆ హీరో అసభ్యకరంగా మాట్లాడాడు
చైల్డ్ ఆర్టిస్ట్‌గా మంచు విష్ణు 1985లో ‘రగిలే గుండెలు’ సినిమాతో కెమెరా ముందుకొచ్చారు. ఆ తర్వాత చాలా ఏళ్లకి ఆయన హీరోగా పరిచయం అయ్యారు. 2003లో ‘విష్ణు’ సినిమా ఆయన హీరోగా నటించిన తొలి చిత్రం. ఈ సినిమాకు గాను ఫిలిం ఫేర్ బెస్ట్ మేల్ డెబ్యుడెంట్ అవార్డు దక్కించుకున్నారు. ఆ తర్వాత వరుసగా.. ‘సూర్యం, పొలిటికల్ రౌడీ, అస్త్రం, గేమ్’ వంటి సినిమాల్లో నటించారు. శ్రీను వైట్ల దర్శకత్వంలో వచ్చిన ‘ఢీ’ మూవీ ఆయన కెరీర్‌కు టర్నింగ్ పాయింట్‌గా నిలిచింది. ఆ సినిమా ఘన విజయం తర్వాత ‘దేనికైనా రేడీ, దూసుకెళ్తా, ఈడోరకం ఆడోరకం, లక్కున్నోడు, గాయత్రి, ఆచారి అమెరికా యాత్ర’ లాంటి సినిమాల్లో విలక్షణ పాత్రలు పోషించారు విష్ణు మంచు. రీసెంట్‌గా ‘జిన్నా’ సినిమాలో డిఫరెంట్ క్యారెక్టర్ చేసిన ఆయన.. మూవీ ఆర్టిస్ట్ అసోసియేషన్ ఎన్నికల్లో విజయకేతనం ఎగరేసి అధ్యక్షుడిగా ‘మా’ పీఠాన్ని అధిరోహించారు.
Also Read- Arjun: వియ్యంకుడు హీరో.. అల్లుడు దర్శకుడు
ప్రస్తుతం తన ఫోకస్ మొత్తం ‘కన్నప్ప’ సినిమాపైనే ఉందంటున్నారు విష్ణు మంచు. ఇది ఆయన కెరీర్‌లోనే ఎంతో ప్రతిష్టాత్మకంగా, భారీ బడ్జెట్‌తో పాన్ వరల్డ్ సినిమాగా రాబోతోంది. ఇది మంచు విష్ణు డ్రీమ్ ప్రాజెక్ట్ కూడా. ఈ విషయం ఆయన ఎప్పటి నుండో చెబుతూ వస్తున్నారు. వెండితెరను మించిన కొత్త క్రియేటివ్ వెంచర్‌ను ఆవిష్కరిస్తూ ఈ సినిమాను ప్రారంభించారు. ముఖేష్ కుమార్ సింగ్ దర్శకత్వం వహిస్తున్న ‘కన్నప్ప’ సినిమాకు ప్రముఖ హాలీవుడ్ సినిమాటోగ్రాఫర్ షెల్డన్ చౌ, యాక్షన్ డైరెక్టర్ కేచా ఖంఫక్డీ, డ్యాన్స్ మాస్ట్రో ప్రభుదేవా వంటి టాప్ టెక్నీషియన్స్ పని చేస్తున్నారు. విష్ణు మంచు టైటిల్ రోల్‌లో కనిపించనున్న ఈ సినిమాను అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై మోహన్ బాబు నిర్మిస్తున్నారు. భారతదేశంలోని నాలుగు మూలల ఉన్న మహా నటుల్ని ఈ చిత్రంలో చూపించబోతున్నారు. ‘కన్నప్ప’ మూవీ ఏ తరానికి అయినా కొత్తగానే ఉంటుందని, సినీ చరిత్రలో కొత్త అధ్యాయాన్ని లిఖిస్తుందని చిత్రయూనిట్ నమ్మకంగా చెబుతోంది.
మరో విషయం ఏమిటంటే.. ‘రగిలే గుండెలు’ సినిమాతో మంచు విష్ణుని చైల్డ్ ఆర్టిస్ట్‌గా ఇండస్ట్రీకి మోహన్ బాబు పరిచయం చేస్తే.. ఇప్పుడు ‘కన్నప్ప’తో మంచు విష్ణు తన తనయుడు అవ్రామ్ భక్త మంచు‌ను చైల్డ్ ఆర్టిస్ట్‌గా పరిచయం చేస్తున్నారు. రీసెంట్‌గానే అవ్రామ్ ఫస్ట్ లుక్‌ని రిలీజ్ చేయగా.. ఆ ఫస్ట్ లుక్ మంచి స్పందనను రాబట్టుకుంది. ఈ సినిమాను త్వరలోనే ప్రేక్షకుల ముందుకు తీసుకురానున్నారు.