Marco: తెలుగులోకి మోస్ట్ వైలెంట్ మలయాళం మూవీ

భారతీయ సినిమా రంగానికి చెందిన 1000 కోట్ల క్లబ్బులో... హిందీ, తెలుగు, తమిళ, కన్నడ సినిమాలు స్థానం దక్కించుకున్నాయి. కానీ మలయాళం నుంచి ఇప్పటివరకు ఏ సినిమా కూడా చోటు సంపాదించుకోలేదు. ఈ లోటును భర్తీ చేసే బాధ్యతను 'మార్కో' తీసుకుంది. ఈనెల 20న విడుదలైన ఈ చిత్రం మలయాళంలో వసూళ్ల సునామి సృష్టిస్తుండగా.. తొలిసారి హిందీలో థియేట్రికల్ రిలీజ్ జరుపుకున్న 'మార్కో' అక్కడ కూడా ప్రభంజనం సృష్టిస్తోంది. ఉన్ని ముకుందన్ టైటిల్ రోల్ ప్లే చేసిన ఈ చిత్రాన్ని హనీఫ్ అదెని దర్శకత్వంలో క్యూబ్స్ ఎంటర్టైన్మెంట్ పతాకంపై షరీఫ్ మహ్మద్ నిర్మించారు. తెలుగు రాష్ట్రాల్లో హిందీ వెర్షన్ కు లభిస్తున్న అనూహ్య స్పందనను దృష్టిలో ఉంచుకుని... మరిన్ని థియేటర్లలో సినిమాని విడుదల చేశారు.

అయితే.. ఇప్పుడు ఈ సినిమా తెలుగు వెర్షన్ ని ప్రేక్షకుల ముందుకు తీసుకురానున్నారు మేకర్స్. న్యూ ఇయర్ సందర్భంగా జనవరి 1 నుండి ఈ సినిమా తెలుగు వెర్షన్‌ని థియేటర్‌లలో రిలీజ్ చేయనున్నారు. ఈ సందర్భంగా 'జినీవర్స్' అధినేత బల్వంత్ సింగ్ మాట్లాడుతూ.." 'బాహుబలి, కేజీఎఫ్, కాంతరా... తాజాగా పుష్ప-2 చిత్రాల గురించి మాట్లాడుకున్నట్లుగా.. 'మార్కో' గురించి మాట్లాడుకుంటారని కచ్చితంగా చెప్పగలను. మన రెండు తెలుగు రాష్ట్రాలలో మార్కో హిందీ వెర్షన్ ప్రభంజనం సృష్టిస్తోంది" అన్నారు.