SSMB 29: రాజమౌళి ఎం ప్లాన్ చేశావ్ సామి..

ఇప్పుడు దర్శకధీరుడు రాజమౌళి సినిమాల కోసం కేవలం టాలీవుడ్, బాలీవుడ్ కాదు మొత్తం ప్రపంచం ఎదురు చూస్తుంది. 'ఆర్ఆర్ఆర్' సినిమా తర్వాత ఆయన క్రియేట్ చేసిన మార్క్ అలాంటిది. ఈ నేపథ్యంలోనే సూపర్ స్టార్ మహేష్ బాబు‌తో కలిసి ఒక యాక్షన్, అడ్వెంచరస్ సినిమా ప్లాన్ చేస్తున్న విషయం తెలిసిందే. ఇప్పటికే మహేష్ లుక్ చూసి ఆశ్చర్యపోతున్న అభిమానులు.. రాజమౌళి ఎం ప్లాన్ చేశావ్ అంటూ తెగ సంబరపడిపోతున్నారు. ఇదంతా పక్కన పెడితే తాజాగా రాజమౌళి తన సోషల్ మీడియా ఖాతా ద్వారా పెట్టిన పోస్ట్ అందరిని తెగ అట్రాక్ట్ చేస్తుంది. అలాగే ఈ ఫోటో వెనుకాల ఉన్న బ్యాక్ గ్రౌండ్ తెలిస్తే మీ మైండ్ బ్లాక్ కావాల్సిందే. ఇప్పుడు ఆ పోస్ట్ వైరల్ అవుతోంది. ఇంతకీ ఆ పోస్ట్ లో ఏముందంటే..

ప్రస్తుతం ప్రీ ప్రొడక్షన్‌లో ఉన్న ఈ సినిమా లొకేషన్స్ హంట్ కోసం ఆఫ్రికా సఫారీలో చక్కర్లు కొడుతున్నారు. తాజాగా ఆయన ఒక సింహం నిలబడి వెనుక నుంచి తాను కనిపించేలా ఒక ఫోటోని పోస్ట్ చేశారు. ఇక ఆ ఫోటోకి మహేష్ బాబు ని ట్యాగ్ చేస్తూ.. "దీని పేరు బాబ్ జూనియర్, కింగ్ అఫ్ సెరెంగేటి" అంటూ క్యాప్షన్ పెట్టి SSMB 29 స్టోరీ లైన్ పై హింట్ ఇచ్చారు.

ఆ సింహం వెనుక ఒక ఆసక్తికరమైన స్టోరీ ఉంది. ఈ సింహం పేరు బాబ్ జూనియర్. జమైకన్ పాప్ సింగర్ బాబ్ మార్లే స్మారకంగా దానికి ఆ పేరు పెట్టారు. అయితే ఒక రోజు అనుకోకుండా తనకన్న చిన్నవైన శత్రు సింహాల చేతిలో బాబ్ జూనియర్ మరణించింది. ఈ కథ తెలుసుకున్న అభిమానులు ఒక్కొక్కరు ఒక రేంజ్ లో కథను ఊహించుకుంటున్నారు. ఇక రాజమౌళి సినిమాల్లో మెయిన్ హీరోకి జంతువులతో ఉండే స్నేహం గురించి ప్రత్యేకంగా చెప్పాల్సిన అవసరం లేదు. మగధీరలో గుర్రం, ఆర్ఆర్ఆర్ లో జంతవులు ఇలా కొనసాగుతూ వస్తుంది.