Ka Movie: కిర‌ణ్ అబ్బ‌వ‌రం.. ‘క’ తో బాక్సాఫీస్ బూజు దులుపుతున్నాడుగా

యంగ్ హీరో కిరణ్ అబ్బవరం (Kiran Abbavaram) నటించిన ‘క’ (Ka Movie) చిత్రం దీపావళి స్పెషల్‌గా విడుదలై బాక్సాఫీస్ వద్ద సెన్సేషన్ క్రియేట్ చేస్తోంది. ఎక్కడ చూసినా హౌస్ ఫుల్స్, టికెట్స్ డిమాండ్ తో టాక్ ఆఫ్ ది టౌన్ అయ్యింది. ఈ సినిమా దీపావళి పోటీలో రిలీజై రోజు రోజుకూ కలెక్షన్స్ పెంచుకుంటూ వెళ్తోంది.

సినిమాకు నాలుగు రోజుల్లోరూ. 26.52 కోట్ల వసూళ్లు రావడం ట్రేడ్ వర్గాలను ఆశ్చర్య పర్చ‌డ‌మే కాక దివాళి విన్నర్ గా "క" సినిమా స్ఫష్టమైన ఆధిక్యత చూపిస్తోంది. 5వ రోజు కూడా కలెక్షన్స్ స్ట్రాంగ్ గా ఉండటంతో మున్మందు మ‌రెన్నా సంచ‌ల‌నాలు సృష్టిస్తుందో అని అంతా అనుకుంటున్నారు.

తెలుగులో ఇంత‌ మంచి కలెక్షన్ల‌తో దూసుకుపోతున్న ఈ సినిమాను వచ్చే వారం ఇతర భాషల్లో విడుదల చేసి అక్క‌డా ఇలాంటి ఘన విజయాన్ని సాధింస్తుంద‌ని ఆశిస్తున్నారు. ఈ ‘క’ సినిమాలో తన్వీరామ్, నయన్ సారిక హీరోయిన్లుగా నటించ‌గా దర్శకద్వయం సుజీత్, సందీప్ ఈ సినిమాకు ద‌ర్శ‌క‌త్వం వ‌హించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్‌మెంట్స్‌తో బ్యానర్‌పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో నిర్మించారు. తెలుగులో ప్రొడ్యూసర్ వంశీ నందిపాటి రిలీజ్ చేశారు.