Game Changer: జరగండి జరగండి 'కియారా అద్వానీ' వచ్చేసింది

గ్లోబ‌ల్ స్టార్ రామ్ చ‌ర‌ణ్ ( Ram Charan), స్టార్ డైరెక్ట‌ర్ శంక‌ర్ (Shankar) కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’(Game Changer). ఈ సినిమాను శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు (Dil Raju) ప్రొడక్షన్ బ్యానర్స్‌పై దిల్ రాజు, శిరీష్ నిర్మిస్తున్నారు. ప్ర‌పంచ వ్యాప్తంగా తెలుగు, త‌మిళ‌, హిందీ భాష‌ల్లో జ‌న‌వ‌రి 10, 2025న మూవీ గ్రాండ్ రిలీజ్ కానుంది. న‌వంబ‌ర్ 9న ల‌క్నోలో ఈ మూవీ టీజ‌ర్‌ను రిలీజ్‌కు భారీ స‌న్నాహాలు చేశారు. దీంతో వరుసగా ఎదో ఒక అప్డేట్ వదులుతూ.. మూవీ టీమ్ బజ్ క్రియేట్ చేస్తోంది. ఈ నేపథ్యంలోనే తాజాగా కియారా అద్వానీ పోస్టర్ రిలీజ్ చేసి ఆడియెన్స్‌తో వావ్ అనిపిస్తున్నారు. ఆ పోస్టర్ ఎలా ఉందంటే..

శంకర్ సినిమాలో హీరోయిన్ అంటే మినిమమ్ ఒక రేంజ్‌లో ఉంటుంది. ఇక ఆయన ప్రేజెంట్ చేసే విధానం, విజువల్స్ గురించి ప్రత్యేకంగా చెప్పాల్సిన అవసరం లేదు. తాజాగా రిలీజ్ చేసిన పోస్టర్‌లోను కియారా బ్లూ కలర్ డ్రెస్‌లో చాలా గ్లామరస్‌గా కనిపించారు. దీంతో ప్రస్తుతం ఆ ఫోటోలు సోషల్ మీడియాలో తెగ ట్రెండ్ అవుతున్నాయి. ఈ లుక్‌తో గేమ్ ఛేంజర్ ఫ్యాన్స్ ఫుల్ ఖుషి అవుతున్నారు. 'వినయ విధేయ రామ' సినిమాతో తెలుగు ఇండస్ట్రీలో అడుగు పెట్టిన కియారా ప్రస్తుతం సౌత్‌లో, నార్త్ టాప్ హీరోయిన్‌గా ఆధిపత్యం చెలాయిస్తోంది. ఆమె ప్రస్తుతం ‘గేమ్ చేంజర్’తో పాటు కన్నడ స్టార్ యశ్‌తో ‘ట్యాక్సిక్’‌లో నటిస్తోంది. ఇవి మాత్రమే కాదు.. హృతిక్ రోషన్, జూనియర్ ఎన్టీఆర్ కాంబినేషన్‌లో తెరకెక్కుతోన్న ‘వార్ 2’ మూవీలో సైతం కియారా అద్వానీ హీరోయిన్‌గా చేస్తోంది.

ఇక మరోవైపు గేమ్ ఛేంజర్ టీజర్‌ను 11 చోట్ల (హైద‌రాబాద్‌-సుద‌ర్శ‌న్‌, వైజాగ్‌- సంగం శ‌ర‌త్‌, రాజ‌మండ్రి-శివ జ్యోతి, విజ‌య‌వాడ‌-శైల‌జ‌, క‌ర్నూల్- వి మెగా, నెల్లూర్‌-ఎస్2 థియేట‌ర్‌, బెంగ‌ళూర్‌- ఊర్వ‌శి థియేట‌ర్‌, అనంత‌పూర్‌-త్రివేణి, తిరుప‌తి-పి.జి.ఆర్‌, ఖ‌మ్మం-ఎస్‌వీసీ శ్రీతిరుమ‌ల‌) అభిమానుల స‌మ‌క్షంలో విడుద‌ల చేస్తుండ‌టం టాక్ ఆఫ్ ది ఇండ‌స్ట్రీగా మారింది. ఇప్ప‌టి వ‌ర‌కు సినిమా నుంచి విడుద‌లైన పోస్ట‌ర్స్‌, ‘జ‌ర‌గండి జ‌రగండి.. ’, ‘రా మచ్చా రా..’ సాంగ్స్‌కు ఆడియెన్స్ నుంచి అమేజింగ్ రెస్పాన్స్ ద‌క్కింది.

-మరిన్ని సినిమా వార్తల కోసం ఇక్కడ క్లిక్ చేయండి