Kalki 2898 AD: మొదటిరోజు రూ.100 కోట్లుపైన.. 'కల్కి’కి ఆ రికార్డ్‌ దక్కలేదు!
ABN , Publish Date - Jun 29 , 2024 | 11:10 AM
ప్రభాస్‌ హీరోగా నాగ్‌ అశ్విన్ దర్శకత్వంలో వైజయంతీ మూవీస్‌ సంస్థ నిర్మించిన ‘కల్కి 2898 ఏడీ’ చిత్రం బాక్సాఫీస్‌ వద్ద దూసుకుపోతోంది. మైథలాజికల్‌ సైన్స్‌ ఫిక్షన్‌ జానర్‌లో తెరకెక్కిన ఈ చిత్రం మొదటిరోజు రూ.191.5కోట్లు వసూలు చేసిందని నిర్మాణ సంస్థ ప్రకటించింది
ప్రభాస్‌ (Prabhas) హీరోగా నాగ్‌ అశ్విన్ దర్శకత్వంలో వైజయంతీ మూవీస్‌ సంస్థ నిర్మించిన ‘కల్కి 2898 ఏడీ’ (Kalki 2898 AD Collections) చిత్రం బాక్సాఫీస్‌ వద్ద దూసుకుపోతోంది. మైథలాజికల్‌ సైన్స్‌ ఫిక్షన్‌ జానర్‌లో తెరకెక్కిన ఈ చిత్రం మొదటిరోజు రూ.191.5కోట్లు వసూలు చేసిందని నిర్మాణ సంస్థ ప్రకటించింది. పాన్ ఇండియా ట్రెండ్‌ నడుస్తున్న తరుణంలో అనేక చిత్రాలు మొదటి రోజు కలెక్షన్లు సులభంగా రూ.100 కోట్ల కలెక్షన్లను రాబడుతున్నాయి. ఇప్పుడు ఆ జాబితాలో ‘కల్కి’ కూడా వచ్చి చేరింది. రూ.100 కోట్ల రికార్డును సాధింంచిన 11వ చిత్రంగా 'కల్కి' నిలిచింది. అంతే కాదు ఆ జాబితాలో ప్రభాస్‌ నటించిన ఐదో చిత్రం కావడం మరో విశేషం. (Kalki Records) 
తొలిరోజు రూ.100 కోట్లు పైన వసూలు చేసిన చిత్రాల లిస్ట్‌లో మొదటి స్థానంలో ఎన్టీఆర్‌, రామ్‌చరణ్‌ నటించిన 'ఆర్‌ఆర్‌ఆర్‌’ ఉంది. దర్శకధీరుడు రాజమౌళి తెరకెక్కించిన ఈ చిత్రం మొదటి రోజు రూ.223 కోట్లు వసూలు చేసింది. దీని తర్వాత స్థానంలో ‘బాహుబలి: ది కన్‌క్లూజన్‌’ ఉంది. ఇది రూ.217 కోట్లు వసూలు చేసిందని ట్రేడ్‌ పెద్దల అంచనా. ఇప్పుడు ప్రపంచవ్యాప్తంగా మొదటి రోజు రూ.191.5 కోట్లు వసూలు చేసి మూడో స్థానంలో నిలిచింది ‘కల్కి 2898 ఏడీ’. తర్వాతి స్థానాల్లో ‘కేజీయఫ్‌2’ - రూ.159 కోట్లు, సలార్‌: పార్ట్‌1 - రూ.158 కోట్లు, లియో - రూ.142.75 కోట్లు, సాహో - రూ.130 కోట్లు, జవాన్‌ - రూ.129 కోట్లు, ఆది పురుష్‌ - రూ.127.50 కోట్లు, యానిమల్‌ - రూ.116 కోట్లు, పఠాన్‌ - రూ.105 కోట్లు చిత్రాలు ఉన్నాయి. మరో రూ.26 కోట్లు పైచిలుకు వసూళ్లు రాబట్టి ఉంటే బాహుబలి మొదటి రోజు రికార్డ్‌ను కల్కి క్రాస్ట్‌ చేసేది. కానీ జస్ట్‌ మిస్‌ అయింది.