JR NTR: క్రేజీ కాంబినేషన్‌.. వర్కవుట్‌ అయినట్టేనా..
ABN , Publish Date - Nov 10 , 2024 | 09:46 AM
కోలీవుడ్‌ దర్శకుల గురి తెలుగు హీరోలపై పడింది. ఇప్పటికే చాలామంది దర్శకులు టాలీవుడ్ హీరోలతో సినిమాలు చేశారు. మున్ముందు కొన్ని ప్రాజెక్ట్‌లు రాబోతున్నాయి. తాజాగా మరో వార్త వైరల్‌ అవుతోంది.
కోలీవుడ్‌ దర్శకుల గురి తెలుగు హీరోలపై పడింది. ఇప్పటికే చాలామంది దర్శకులు టాలీవుడ్ హీరోలతో సినిమాలు చేశారు. మున్ముందు కొన్ని ప్రాజెక్ట్‌లు రాబోతున్నాయి. తాజాగా మరో వార్త వైరల్‌ అవుతోంది. కొత్తగా ఎన్టీఆర్‌ (NTR)- నెల్సన్‌ దిలీప్‌కుమార్‌ (Nelson Dilip kumar) కలయికలో ఓ సినిమా అంటూ వార్త బయటకు వచ్చింది. ‘జైలర్‌’తో ఘన విజయాన్ని సొంతం చేసుకుని, ప్రస్తుతం ‘జైలర్‌-2’తో (kailer 2) బిజీగా ఉన్న ఆయన తాజాగా ఎన్టీఆర్‌(NTR) ను కలిశారు. ఇద్దరి మధ్య కథా చర్చలు జరిగాయని, ఈ సిట్టింగ్‌ వర్కవుట్‌ అయిందని ఎన్టీఆర్‌ సన్నిహిత వర్గాల ద్వారా తెలిసింది. త్వరలోనే ఈ కాంబినేషన్‌లో సినిమా ఖరారయ్యే అవకాశాలున్నాయని టాక్‌ నడుస్తోంది.
ఎన్టీఆర్‌ ప్రస్తుతం బాలీవుడ్‌లో ‘వార్‌ 2’తోపాటు (war 2) ప్రశాంత్‌ నీల్‌ దర్శకత్వంలో ఓ చిత్రం చేస్తున్నారు. ‘దేవర 2’ కూడా క్యూలో ఉంది. వీటి తర్వాత ఎన్టీఆర్‌ - నెల్సన్‌ కలయికలో సినిమా ఉంటుందా? అంతకంటే ముందే ఉంటుందా? అనేది తెలియాలంటే అధికారిక ప్రకటన వచ్చే వరకు ఎదురు చూడాల్సిందే. రెండు ప్రముఖ నిర్మాణ సంస్థలు ఈ చిత్రాన్ని నిర్మించనున్నట్టు సమాచారం.