ప్ర‌భాస్ ఇంటి వ‌ద్ద ఫ్యాన్స్ హంగామా.. పోలీసుల ఎంట్రీ

పాన్ ఇండియా స్టార్ ప్ర‌భాస్ (Prabhas) జ‌న్మ‌దినం సంద‌ర్భంగా రెండు తెలుగు రాష్ట్రాల‌లో అభిమానుల సంబురాలు అంబ‌రాన్నంటాయి. మంగ‌ళ‌వారం రాత్రి నుంచే చాలామంది ఫ్యాన్స్ పార్టీలు నిర్వ‌హించుకుంటూ ఆ ఫోటోల‌ను సోష‌ల్ మీడియాలో ట్రెండింగ్ చేస్తున్నారు. వీదేశాల్లోనూ కేక్ క‌టింట్స్ నిర్వ‌హించారు. అంతేగాక ప్ర‌భాస్ న‌టించిన స‌లార్‌, ఈ శ్వ‌ర్ వంటి చిత్రాల‌ను బుధ‌వారం రీ రిలీజ్ చేస్తుండ‌డంతో థియేట‌ర్ల వ‌ద్ద సంద‌డి సైతం నెల‌కొంది.

ఇదిలాఉండ‌గా ప్రభాస్ పుట్టినరోజు సందర్భంగా హైదరాబాద్లో ఫ్యాన్స్ నానా హంగామా చేశారు. జూబ్లీహిల్స్ పెద్దమ్మ తల్లి ఆలయ లేన్ రోడ్లో అర్ధరాత్రి పెద్ద సంఖ్యలో ప్రభాస్ ఫ్యాన్స్ గుమిగూడారు. కొందరు అభిమానులు అత్యుత్సాహంతో ప్రభాస్ ఇంట్లోకి వెళ్లేందుకు యత్నించారు. సమాచారం అందుకున్న పోలీసులు ప్రభాస్ ఇంటి వద్దకు హుటాహుటిన చేరుకుని వారిని నియంత్రించారు. ప్రభాస్ ఇంటి ముందు బర్త్ డే సెలబ్రేషన్ చేయడానికి ఎలాంటి అనుమతులు లేవని అభిమానులకు పోలీసులు నచ్చజెప్పి అక్కడ నుంచి పంపించేశారు. ప్ర‌స్తుతం ఈ వీడియోలు నెట్టింట వైర‌ల్ అవుతున్నాయి.