Christmas Releases: ఈ సినిమాలు క్రిస్మస్‌కి ఫిక్స్.. ఆ సినిమాలు అవుట్
ABN , Publish Date - Nov 09 , 2024 | 10:48 AM
అల్లు అర్జున్ పుష్ప 2 సినిమా రిలీజ్ ఉండటంతో చిన్న సినిమాల రిలీజ్‌పై కాస్త కన్ఫ్యూజన్ ఏర్పడింది. కానీ.. క్రిస్మస్ పండగని టార్గెట్ చేసి.. న్యూ ఇయర్ వరకు స్పేస్ తీసుకుందామని చిన్న సినిమాల మేకర్స్ ప్లాన్ చేస్తున్నారు. అయితే క్రిస్మస్‌కి రావాలా వద్దా అనే కన్ఫ్యూజన్ మధ్యే రెండు సినిమాలు డిసెంబర్ 25కి రిలీజ్ కావడానికి సిద్ధమయ్యాయి.ఇంతకీ ఆ సినిమాలు ఏంటంటే..
పండుగలు మెయిన్ టార్గెట్‌గా తెలుగు సినిమాలు రిలీజ్ అవుతూ ఉంటాయి. ఇప్పటికే దసరా, దీపావళి కానుకగా రిలీజైన సినిమాలు మంచి వసూళ్లను కలెక్ట్ చేశాయి. ఇక నెక్స్ట్ పెద్ద పండుగ సంక్రాంతి.. ఈ పండుగ దాదాపు పెద్ద సినిమాలకే సరిపోవడంతో. చిన్న సినిమాలన్నీ డిసెంబర్ కి ఫిక్స్ అయిపోయాయి. అయితే డిసెంబర్ లోను అల్లు అర్జున్ పుష్ప 2 సినిమా రిలీజ్ ఉండటంతో చిన్న సినిమాల రిలీజ్‌పై కాస్త కన్ఫ్యూజన్ ఏర్పడింది. కానీ.. క్రిస్మస్ పండగని టార్గెట్ చేసి.. న్యూ ఇయర్ వరకు స్పేస్ తీసుకుందామని చిన్న సినిమా మేకర్స్ ప్లాన్ చేస్తున్నారు. అయితే క్రిస్మస్‌కి రావాలా వద్దా అనే కన్ఫ్యూజన్ మధ్యే రెండు సినిమాలు డిసెంబర్ 25కి రిలీజ్ కావడానికి సిద్ధమయ్యాయి. మరికొన్ని సినిమాలు వెనుక ముందు వస్తున్నాయి. ఇంతకీ ఆ సినిమాలు ఏంటంటే..
హీరో నితిన్ నటిస్తోన్న యూనిక్ యాక్షన్, హీస్ట్ కామెడీ ఎంటర్‌టైనర్ చిత్రం ‘రాబిన్‌హుడ్‌’. యంగ్ బ్యూటీ శ్రీలీల హీరోయిన్‌గా నటిస్తున్న ఈ చిత్రానికి వెంకీ కుడుముల దర్శకుడు. అయితే ఈ సినిమాని మొదట డిసెంబర్ 20న రిలీజ్ చేద్దామని ఫిక్స్ అయ్యారు. కానీ.. క్రిస్మస్ నాడే విడుదల కానున్నట్లు వార్తలు వస్తున్నాయి. అయితే ఈ రెండు డేట్‌లలో ఎదో ఒక రోజు ఈ సినిమా రిలీజ్ కావడం ఖాయం.
బెల్లంకొండ సాయి శ్రీనివాస్, మనోజ్ మంచు, నారా రోహిత్ నటిస్తున్న మోస్ట్ అవైటెడ్ క్రేజీ మూవీ ‘భైరవం’. విజయ్ కనకమేడల దర్శకత్వం వహిస్తున్న ఈ భారీ బడ్జెట్ చిత్రాన్ని పెన్ స్టూడియోస్ డాక్టర్ జయంతిలాల్ గడ సమర్పణలో శ్రీ సత్యసాయి ఆర్ట్స్ బ్యానర్‌పై కెకె రాధామోహన్ నిర్మిస్తున్నారు. ఇప్పటీకే రిలీజైన ఈ సినిమా పోస్టర్స్ తెగ ఆకట్టుకుంటున్నాయి. ఈ సినిమా కూడా క్రిస్మస్ రిలీజ్ ఫిక్స్ అయ్యింది.
మరోవైపు గౌతమ్ తిన్ననూరి 'మ్యాజిక్', మోహన్ కృష్ణ ఇంద్రగంటి 'సారంగపాణి జాతకం' అటు ఇటో క్రిస్మస్ వారంలోనే రిలీజ్ కానున్నాయి. ఇక మొదటి నుండి క్రిస్మస్ కి రిలీజ్ అవుతుంది అనుకున్న అల్లరి నరేష్ 'బచ్చల మల్లి' రిలీజ్‌పై క్లారిటీ లేదు. నాగ చైతన్య 'తండేల్' మంచు విష్ణు 'కన్నప్ప'లపై కూడా క్లారిటీ లేదు.