Christmas Releases: క్రిస్మస్ సినిమాలు ఇవే.. నో డౌట్
ABN , Publish Date - Nov 19 , 2024 | 09:22 PM
క్రిస్మస్ రిలీజ్‌లపై ఎట్టకేలకు క్లారిటీ వచ్చేసింది. క్రిస్మస్ కానుకగా మొత్తం 8 సినిమాలు రిలీజ్ అవుతున్న.. అందులో 6 సినిమాలు ఒకే రోజున రిలీజ్ కానున్నాయి. డిసెంబర్ 20న 6 సినిమాలు రీలీజ్ కానున్నడగా 21న ఒక సినిమా 25న మరో సినిమా రిలీజ్ కానున్నాయి. ఇంతకీ ఏ సినిమాలు, ఎప్పుడెప్పుడు రిలీజ్ అవుతున్నాయంటే..
ఇటీవల ఇండస్ట్రీలో సంక్రాంతి రిలీజ్‌లు ఏమో కానీ క్రిస్మస్ రిలీజులపై గందరగోళం ఏర్పడింది. ఒక వైపు గేమ్ ఛేంజర్, పుష్ప 2 సినిమాల రిలీజ్‌ల కారణంగా తమ సినిమాలని ఎప్పుడు రిలీజ్ చేయాలో చిన్న సినిమాల మేకర్స్‌కి పాలుపోలేదు. ఇక మరోవైపు తండేల్, కన్నప్ప లాంటి సినిమాలు కూడా రేసు నుండి తప్పుకుపోవడంతో క్రిస్మస్ రిలీజ్‌లపై ఎట్టకేలకు క్లారిటీ వచ్చేసింది. ఇంతకీ ఏ సినిమాలు, ఎప్పుడెప్పుడు రిలీజ్ అవుతున్నాయంటే..
క్రిస్మస్ కానుకగా మొత్తం 8 సినిమాలు రిలీజ్ అవుతున్న.. అందులో 6 సినిమాలు ఒకే రోజున రిలీజ్ కానున్నాయి. డిసెంబర్ 20న 6 సినిమాలు రీలీజ్ కానున్నడగా 21న ఒక సినిమా 25న మరో సినిమా రిలీజ్ కానున్నాయి.
మొదటగా డిసెంబర్ 20న అల్లరి నరేష్ మోస్ట్ యాంటిసిపేటెడ్ మూవీ 'బచ్చల మల్లి' బరిలో నిలవనుంది
నెక్స్ట్ అదే రోజున ప్రియదర్శి, మోహన్ కృష్ణ ఇంద్రగంటి కాంబినేషన్‌లో తెరకెక్కుతున్న 'సారంగపాణి జాతకం' అదృష్టం పరీక్షించుకోనుంది.
కన్నడ సూపర్ స్టార్ ఉపేంద్ర స్వీయ దర్శకత్వం వహిస్తున్న మూవీ ‘యూఐ ది మూవీ’. ఈ మూవీ కూడా పాన్ ఇండియన్ వైడ్‌గా డిసెంబర్ 20న రిలీజ్ కానుంది.
జాతీయ అవార్డు గ్రహీత వెట్రిమారన్ దర్శకత్వంలో రూపొంది త‌మిళంతో పాటు తెలుగులోనూ సంచ‌ల‌న విజ‌యం సాధించిన చిత్రం ‘విడుదలై’. ఇప్పుడు ఈ సినిమా సీక్వెల్ ‘విడుదలై’-2’ డిసెంబరు 20న రిలీజ్ కానుంది. మొదటి పార్ట్ లో లీడ్ రోల్ లో అలరించిన విజయ్ సేతుపతి ఈ సినిమాలోనూ మెయిన్ లీడ్‌గా కనిపించనున్నారు.
బెల్లంకొండ సాయి శ్రీనివాస్, మనోజ్ మంచు, నారా రోహిత్ నటిస్తున్న మోస్ట్ అవైటెడ్ క్రేజీ మూవీ ‘భైరవం’. విజయ్ కనకమేడల దర్శకత్వం వహిస్తున్న ఈ మూవీ డిసెంబర్ 20న రిలీజ్ పై కాస్త కన్ఫ్యూజన్ ఏర్పడిన రిలీజ్ ఖాయమే అంటున్నారు.
ప్రముఖ హాలీవుడ్‌ నిర్మాణసంస్థ డిస్నీ తెరకెక్కిస్తున్న ‘ముఫాసా’: ది లయన్‌ కింగ్‌’ కూడా ప్రపంచవ్యాప్తంగా డిసెంబర్ 20న రిలీజ్ కానుంది.
ఇక గౌతమ్ తిన్ననూరి మ్యాజిక్ డిసెంబర్ 21న రిలీజ్ కావాల్సి ఉంది. కానీ.. కాస్త కన్ఫ్యూజన్ ఏర్పడింది.
ఫైనల్‌గా డిసెంబర్ 25న హీరో నితిన్ నటిస్తోన్న యూనిక్ యాక్షన్, హీస్ట్ కామెడీ ఎంటర్‌టైనర్ చిత్రం ‘రాబిన్‌హుడ్‌’ రిలీజ్ కానుంది. యంగ్ బ్యూటీ శ్రీలీల హీరోయిన్‌గా నటిస్తున్న ఈ చిత్రానికి వెంకీ కుడుముల దర్శకుడు. అయితే ఈ సినిమాని మొదట డిసెంబర్ 20న రిలీజ్ చేద్దామని ఫిక్స్ అయ్యారు. కానీ.. క్రిస్మస్‌కి షిఫ్ట్ చేశారు.