Allu Arjun Fans: ప్రముఖ యూట్యూబ్ ఛానల్ ఆఫీస్‌పై ఫ్యాన్స్ దాడి.. పుష్ప 2
ABN , Publish Date - Nov 11 , 2024 | 02:44 PM
ఈరోజు హైదరాబాద్‌లోని ఒక ప్రముఖ యూట్యూబ్ ఛానల్ ఆఫీస్‌పై అల్లు అర్జున్ ఫ్యాన్స్ దాడి చేశారు. ఇంతకీ ఎం జరిగిందంటే..
అల్లు అర్జున్ పుష్ప 2 సినిమా రిలీజ్ దగ్గరపడుతున్న వేళలో సోషల్ మీడీయాలో హీట్ పెరిగిపోతుంది. ఒకవైపు మెగా వర్సెస్ అల్లు ఫ్యామిలీ అంటూ ఫ్యాన్స్ కొట్టుకుంటున్నారు. అయితే ఈ విషయంపై అల్లు అర్జున్ త్వరలోనే 'అన్‌స్టాపబుల్‌ సీజన్‌ 4’ వేదికగా బాలయ్యతో క్లారిటీ ఇవ్వనున్నారు అని తెలుస్తోంది. ఇదిలా ఉండగా బన్నీ ఫ్యాన్స్ ఒక ప్రముఖ యూట్యూబ్ ఛానల్‌పై దాడి చేశారు. ఎందుకంటే..
ఈరోజు హైదరాబాద్‌లోని ఒక ప్రముఖ యూట్యూబ్ ఛానల్ ఆఫీస్‌పై అల్లు అర్జున్ ఫ్యాన్స్ దాడి చేశారు. ఈ దాడిలో ఫర్నిచర్‌తో పాటు కంప్యూటర్లు ఇతర సామాగ్రి ధ్వంసం అయినట్లు తెలుస్తోంది. అల్లు అర్జున్ పై ఉద్దేశపూర్వకంగా నీచమైన థంబ్స్‌తో వీడియోలు పెడుతున్నారని అందుకే ఈ దాడి చేశామని ఫ్యాన్స్ ప్రకటించారు. ఒక వీడియోలో ఏకంగా చావు, బ్రతుకుల మధ్య కొట్టాడుతున్న అల్లు అర్జున్ అని థంబ్ పెట్టడం‌పై సీరియస్ అయ్యారు. అయితే వ్యక్తులపై ఎలాంటి భౌతిక దాడులు ఈ ఘటనలో చోటుచేసుకోలేదు. మళ్ళీ.. ఇలాంటి ఘటనలు రిపీట్ అయితే పరిస్థితి దారుణంగా ఉంటుందని ఫ్యాన్స్ హెచ్చరించారు.
ఇక మరోవైపు బన్నీ 'అన్‌స్టాపబుల్‌ సీజన్‌ 4’లో బాలయ్యతో ప్రమోషన్స్‌లో బిజీగా ఉన్నారు. ఈ షోలో జాతీయ అవార్డు గురించి బన్నీ మాట్లాడుతూ.. "ఓసారి వెనక్కి వెళ్లి ఉత్తమ నటుడిగా నేషనల్‌ అవార్డ్‌ ఎవరికి వచ్చిందని చెక్‌ చేస్తే.. ఒక్క తెలుగు పేరు కూడా లేదు. అది నా మనసులో బాగా ఉండిపోయింది. దాన్ని రౌండప్‌ చేసి ఎలాగైనా కొట్టాలి.. దీన్ని కొట్టాలి’ అని ఫిక్సయ్యాను ఇప్పుడు దక్కింది’’ చెప్పుకొచ్చాడు.
