Bigg Boss Telugu: అసలు గంగవ్వకి ఏమి తెలీదు.. నబీల్ చెంప పగలగొట్టాలని ఉందన్నావ్

బిగ్‌బాస్ హౌస్ లేటెస్ట్ ఎలిమినేషన్స్ ప్రక్రియలో మొదటగా టేస్టీ తేజ.. విష్ణుప్రియను నామినేట్ చేశాడు. తేజ రీజన్ చెప్తూ.. "ఏం లేదు లాస్ట్ వీక్ జరిగినదాంట్లో ఒక చోట నా మనసు చివుక్కుమంది.. పిల్లోస్ గేమ్ జరుగుతున్నప్పుడు 'నెగెటివ్ ఎనర్జీ పాస్ చేస్తావెందుకు' అంటూ గంగవ్వపై నువ్వు కామెంట్ చేశావ్.. అది నాకు నచ్చలేదు.. అసలు అవ్వకి ఆ పదానికి అర్థం కూడా తెలీదంటూ" చెప్పుకొచ్చాడు. దీనికి విష్ణుప్రియ సమాధానంగా "గంగవ్వకి అన్నీ తెలుసు.. మణికంఠ సేవ్ అవుతాడని గంగవ్వ బ్లెస్సింగ్ ఇస్తే సేవ్ అయ్యాడు.. అవ్వకి కొంత పవర్ ఉందని నేను నమ్ముతాను.. అలాంటి అవ్వ అలా కంటిన్యూగా మేము ఓడిపోతామని చెప్పింది.. అందుకే అలా అన్నా.. అయినా నీకు మా మధ్య ఏం జరిగిందో తెలీదంది". దీంతో తేజ నువ్వు చెప్పే విధానం కరక్ట్ కాదు అంటూ తన నెక్స్ట్ నామినేషన్ వేశాడు.సెకండ్ నామినేషన్ లో పృథ్వీ కుండ పగలకొడుతూ.. నువ్వు రివెంజ్ నామినేషన్ వేస్తావ్ అది నాకు నచ్చలేదు అన్నాడు. ఇక పృథ్వీ నేను కొంచెం రెబల్.. నన్ను హౌస్‌లో నుంచి పంపించాలని అనుకునేవాళ్లను నేను నామినేట్ చేస్తా అంటూ చెప్పాడు.

నెక్ట్స్ మెహబూబ్‌ హరితేజ నామినేట్ చేశాడు. "మీరు ఒకటి చెబుతారు.. ఒకటి చేస్తారు.. అందరిలో మంచిగా ఉండాలి అనే ప్రాసెస్‌లో మాటలు ఛేంజ్ చేస్తుంటారు.. దాని వల్ల మీరు మీ యాక్చువల్ పర్సనాలిటీని పొగొట్టుకుంటున్నారు.. అలానే నేను మెగా చీఫ్‌గా ఉన్నప్పుడు కిచెన్, బాత్రూం బాలేదన్నారు.. కానీ నేను చూసినప్పుడు బానే ఉన్నాయి అంటూ" రీజన్ చెప్పుకొచ్చాడు. దీంతో హరితేజ తన స్టైల్ లో కౌంటర్ బ్యాక్ చేసింది. సెకండ్ నామినేషన్ లో నయనిని టార్గెట్ చేశాడు. ఛార్జింగ్ టాస్కులో నేను దొంగతనంగా పాయింట్ తెచ్చుకున్నాను.. అలానే మిగిలినవాళ్లు కూడా వాళ్ల వాళ్ల టాలెంట్ చూపించి పాయింట్లు తెచ్చుకున్నారు.. మరి నువ్వు ఏం చేశావ్.. అంటూ మెహబూబ్ ప్రశ్నించాడు. దీంతో నయని నీకు కనిపించలేదా అంటూ పిచ్చి డ్యాన్సులు చేసింది.

ఇక ప్రేరణ విష్ణుప్రియను నామినేట్ చేస్తూ.. నీ గురించి నువ్వు చెప్పుకునేది ఒకటి.. చేసేది ఒకటి.. అందుకే నైనిక వెళ్లేటప్పుడు నిన్ను ఫేక్ ఫ్రెండ్ అని చెప్పింది.. అలానే అది నాకు అనిపించింది.. నేను బాధలో ఉన్నప్పుడు నువ్వు ఒకసారి కూడా నన్ను కన్సోల్ చేయలేదు.. అంటూ ఆవేదన చెందింది. దీనికి విష్ణు రీప్లేగా నువ్వు బాధలో ఉన్నప్పుడు నేనూ బాధలో ఉన్నా అంది. దీంతో ప్రేరణ నేను పృథ్వీని నామినేట్ చేయడం నీకు నచ్చలేదు అంతే కదా అంది. దీనికి అవును.. నాకు అది నచ్చలేదని విష్ణు ఫైర్ బ్యాక్ అయ్యింది. మరి నువ్వు నబీల్ చెంప పగలగొట్టాలని ఉంది అన్నావ్ కదా.. అది ఎలా అంటావ్ అంటూ విష్ణు అడిగింది. దీంతో నబీల్ షాక్ అయ్యాడు. నీ గేమ్ మొత్తం పృథ్వీ వైపే ఉంది.. పృథ్వీ కోసం నువ్వు దూరిపోయి ఫైట్ చేస్తున్నావ్.. అంటూ ప్రేరణ రెచ్చిపోయింది. దీంతో విష్ణు నువ్వు పెడిక్యూర్, మేనిక్యూర్, హెయిర్ స్టైల్ తప్ప హౌస్‌లో ఏం చేస్తున్నావ్.. అంటూ ఫైర్ అయ్యింది. తర్వాత ప్రేరణ పృథ్విని నామినేట్ చేసింది.

అనంతరం గంగవ్వ.. నిఖిల్ ని నామినేట్ చేసింది. నువ్వు గొంతు చించుకొని అరిచి, సామాన్ల మీద అది దూకినవ్.. అది నాకు నచ్చలే అంటూ గంగవ్వ అంది. దీంతో నిఖిల్ సైలెంట్ గానే ఉన్నాడు. గంగవ్వ ఒకే దెబ్బతో కుండ పగలగొట్టడంతో నాపై అంత కోపమా అని ప్రశ్నించాడు నిఖిల్. ఆలా ఏమి లేదు నేను అన్ని వివరాలు చెప్పలేనంది గంగవ్వ. నెక్స్ట్ విష్ణుప్రియని నామినేట్ చేస్తూ.. ఊరికే ఉండు అటు పో అని నన్ను అన్నావ్.. నువ్వు అలా అనడం నాకు నచ్చలేదు అంటూ రీజన్ చెప్పింది.

ఫైనల్‌గా నామినేషన్స్ పూర్తయ్యే సరికి నిఖిల్, విష్ణుప్రియ, పృథ్వీ, మెహబూబ్, ప్రేరణ, హరితేజ, నయని నామినేషన్స్ లో నిలిచారు. మరోవైపు నామినేషన్స్ షీల్డ్ ఉన్నప్పటికీ హరితేజను ఇద్దరు సభ్యులు నామినేట్ చేసిన కారణంగా విన్నర్స్ ప్రైజ్ మనీ నుంచి లక్ష తగ్గనుంది. అయితే బిగ్‌బాస్.. నామినేట్ అయిన సభ్యుల్లో నుంచి ఒకరిని సేవ్ చేయొచ్చు అంటూ మెగా చీఫ్ గౌతమ్‌కి ఆఫర్ ఇచ్చాడు. దీంతో గౌతమ్ హరితేజని సేవ్ చేయడంతో ఈ వారం ఎలిమినేషన్స్ లో నిలిచిందెవరంటే..

నిఖిల్

విష్ణుప్రియ

పృథ్వీ

మెహబూబ్

ప్రేరణ

నయని