Big Boss Telugu Today: బిగ్‌బాస్ హౌస్‌లో ఆహ్లాదకర వాతావరణం.. సూర్య ఎంట్రీతో మొత్తం మారిపోయింది
ABN , Publish Date - Oct 26 , 2024 | 05:20 PM
సూర్య ఎంట్రీతో బిగ్ బాస్‌హౌస్ వాతావరణం మొత్తం మారిపోయింది. నాగార్జున నవ్వులు, కంటెస్టెంట్స్ సంతోషాలకు అవధులు లేకుండా పోయింది.
తెలుగు బిగ్‌బాస్ హౌస్‌లో ఆహ్లాదకరమైన వాతావరణం ఏర్పడింది. బిగ్‌బాస్ సీజన్ 8 ప్రారంభమై ఎనిమిది వారాలు గడిచింది. ఊహించని ట్విస్ట్‌లు, మతిని భ్రమింపచేసే టాస్క్‌లు, నామినేషన్లు, ఎలిమినేషన్లు, వైల్డ్ కార్డు ఎంట్రీలతో షో వ్యాఖ్యాత నాగార్జున చెప్పినట్లే ‘ఇన్ఫినిటీ ఆఫ్‌ ఫన్‌ అండ్‌ ఎంటర్‌టైన్‌మెంట్‌'తో సక్సెస్ ఫుల్‌గా కొనసాగుతుంది. ఈ క్రమంలోనే టాలీవుడ్, కోలీవుడ్ బిగ్ స్టార్స్ మూవీస్ రిలీజ్ ఉండటంతో ప్రమోషన్స్ కోసం బిగ్‌బాస్ హౌస్‌కి క్యూ కడుతున్నారు. తాజాగా నేడు శనివారం రాత్రి ప్రసారం కానున్న ఎపిసోడ్‌కి కోలీవుడ్ సూపర్ స్టార్ సూర్య హాజరయ్యారు. కంగువ సినిమా రిలీజ్ ప్రమోషన్స్‌లో భాగంగా ఆయన హౌస్‌కి వచ్చి నాగార్జున, కంటెస్టెంట్స్‌తో మాట్లాడారు. ఇంతకీ కంటెస్టెంట్స్‌తో ఆయన ఏమన్నారంటే..
సూర్య స్టేజ్‌పైకి రాగానే.. హోస్ట్ నాగార్జున ఇంట్రెస్టింగ్ కొశ్చన్ సంధించాడు. సూర్య.. మాకు ఎందుకు తెలుగు సినిమాను ఇంత ఆలస్యంగా ఇస్తున్నారు అంటూ అడిగారు. దీనికి సూర్య నవ్వుతూ సమాధానమిస్తూ.. ఒక బిగ్ బ్యాంగ్ సినిమాతో రావాలి అనుకున్న అనుకున్న అందుకే ఆలస్యమైందన్నారు. కంగువ ఒక బ్యూటిఫుల్ టైమ్‌లెస్ సినిమా.. అందుకే లేట్ అయ్యిందన్నారు. అనంతరం చిత్ర దర్శకుడు, నిర్మాత స్టేజ్ పైకొచ్చారు. ఇక సూర్య రాగానే.. కంటెస్టెంట్స్ 'కంగువ' టైటిల్ చూపించి సర్‌ప్రైజ్ చేశారు. లవ్యూ సూర్య అంటూ బోర్డ్స్ పట్టుకొని షో చేశారు. దీంతో సూర్య ఫుల్ ఖుషి అయ్యాడు.
నెక్స్ట్ నాగ్.. ఒక్కో కంటెస్టెంట్స్‌ని సూర్యకి పరిచయం చేశాడు. ఈ క్రమంలోనే నాగ్ అవినాష్‌ని పరిచయం చేస్తూ అవినాష్.. హౌస్‌లో మంచి ఎంటర్‌టైనర్, అయితే భార్యని మిస్ అవుతున్నాడని హౌస్‌లో ఉన్న అందరినీ హగ్ చేసుకుంటున్నాడు అంటూ ఫన్నీగా ఇంట్రో ఇచ్చాడు. దీనికి రీప్లేగా సూర్య.. ఇంటెర్నెట్‌లో ఉన్నది, ఇక్కడ రికార్డ్ అయింది.. లైఫ్ లాంగ్ ఉంటుంది.. గుర్తుపెట్టుకో జాగ్రత్త అంటూ సెటైరికల్ సజెషన్ ఇచ్చారు. నెక్స్ట్ ఇతను ఫుడ్ వీడియోస్ చేస్తుంటాడు అందుకే టేస్టీ తేజ అని పేరొచ్చిందని ఇంట్రడ్యూస్ చేశాడు. దీనికి అర్థమవుతుంది సార్ అంటూ సూర్య నవ్వారు. తర్వాత రోహిణి మాట్లాడుతూ.. సూర్యలాంటి భర్త రావాలని కోరుకుంటున్న అంది. దీనికి సూర్య బ్లష్ కాగా నాగ్ నవ్వారు. ఇక విష్ణుప్రియని చూసిన సూర్య కొంచెం శృతి హాసన్‌లా ఉందన్నారు. దీంతో విష్ణుప్రియ సంతోషాన్ని పట్టలేకపోయింది. అనంతరం నాగార్జున నయనిని సూర్యతో 5 మినిట్స్ స్పెండ్ చేయడానికి హౌస్ బయటికొస్తావ అని అడిగారు. దింతో నయని వచ్చేస్తా సార్ అంది. మళ్ళీ లోపలికి పంపించనున్నారు. నయని పర్లేదు సార్ అనడంతో నాగ్, సూర్య నవ్వుకున్నారు.