Big Boss: బిగ్‌బాస్‌కి క్యూ కట్టిన స్టార్ హీరోస్.. ఎందుకంటే
ABN , Publish Date - Oct 26 , 2024 | 10:59 AM
టాలీవుడ్, కోలీవుడ్ బిగ్ స్టార్స్ మూవీస్ రిలీజ్ ఉండటంతో ప్రమోషన్స్ కోసం బిగ్‌బాస్ హౌస్‌కి క్యూ కడుతున్నారు. నిన్నొక (శుక్రవారం) స్టార్ టీమ్ వెళ్లగా, నేడు మరో ఇద్దరు హీరోలు బిగ్‌బాస్ హౌస్‌లోకి ప్రవేశించనున్నారు.
తెలుగు బిగ్ బాస్ సీజన్ 8 ప్రారంభమై ఎనిమిది వారాలు గడిచింది. ఊహించని ట్విస్ట్ లు, మతిని భ్రమింపచేసే టాస్క్ లు, నామినేషన్లు, ఎలిమినేషన్లు, వైల్డ్ కార్డు ఎంట్రీలతో షో వ్యాఖ్యాత నాగార్జున చెప్పినట్లే ‘ఇన్ఫినిటీ ఆఫ్‌ ఫన్‌ అండ్ ఎంటర్‌టైన్‌మెంట్‌'తో సక్సెస్ ఫుల్‌గా కొనసాగుతుంది. ఈ క్రమంలోనే టాలీవుడ్, కోలీవుడ్ బిగ్ స్టార్స్ మూవీస్ రిలీజ్ ఉండటంతో ప్రమోషన్స్ కోసం బిగ్‌బాస్ హౌస్‌కి క్యూ కడుతున్నారు. నిన్నొక (శుక్రవారం) స్టార్ టీమ్ వెళ్లగా, నేడు మరో ఇద్దరు హీరోలు బిగ్‌బాస్ హౌస్‌లోకి ప్రవేశించనున్నారు.
స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ చిత్రాన్ని భారీ పీరియాడిక్ యాక్షన్ ఫిల్మ్‌గా దర్శకుడు శివ రూపొందిస్తున్నారు. దిశా పటానీ, బాబీ డియోల్ కీలక పాత్రల్లో నటిస్తున్నారు. ఈ సినిమా నవంబర్ 14న ప్రేక్షకుల ముందుకి రానుంది. ఇప్పటికే టీజర్ అండ్ ట్రైలర్ తో భారీ బజ్ క్రియేట్ చేసిన సూర్య.. తెలుగులోనూ ఆన్ స్టాపబుల్, ప్రెస్ మీట్ నిర్వహించి మరింత బజ్ క్రియేట్ చేశాడు. కాగా శుక్రవారం బిగ్‌బాస్ హౌస్‌లోను తన మూవీ ప్రమోషన్స్ పూర్తి చేశాడు.
కాస్త గ్యాప్ త‌ర్వాత హీరో కిరణ్ అబ్బవరం నటిస్తున్న భారీ పీరియాడిక్ థ్రిల్లర్ సినిమా ‘క’ (Ka Movie). నయన్ సారిక, తన్వీ రామ్ హీరోయిన్లుగా నటించారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో ఈ సినిమాను తెరకెక్కించారు. ఈ నెల 31న దీపావళి పండుగ సందర్భంగా తెలుగుతో పాటు తమిళ, మలయాళ, కన్నడలో గ్రాండ్ థియేట్రికల్ రిలీజ్‌కు ఈ సినిమా రెడీ అవుతోంది.ఇప్పటికే రిలీజైన ఈ సినిమా ట్రైలర్ మంచి కంటెంట్ ఉన్న మూవీ అనేలా అంచనాలు పెంచింది. ఈ క్రమంలోనే ప్రమోషన్స్‌లో వేగం పెంచేందుకు కిరణ్ అబ్బ్బవరం ఈరోజు ఉదయం బిగ్‌బాస్ హౌస్‌కి వెళ్లారు.
ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. రాజ్‌కుమార్ పెరియసామి దర్శకత్వం వహిస్తున్న ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మిస్తున్నారు. ఈ మూవీలో సాయి పల్లవి ఫిమేల్ లీడ్‌గా నటిస్తున్నారు. ఇప్పటికే రిలీజైన ట్రైలర్ ప్రేక్షకులకి బాగా నచ్చింది. ఈ సినిమా కూడా దీపావళి కానుకగా అక్టోబర్ 31న రిలీజ్ కానుంది. ఈ క్రమంలోనే శివ కార్తికేయన్ కూడా ఈరోజు సాయంత్రం బిగ్‌బాస్ తెలుగు హౌస్‌లోకి ప్రవేశించనున్నాడు