NBK 109: బాలయ్య సినిమాకి అ టైటిల్ ఫిక్స్.. మాస్
ABN , Publish Date - Nov 13 , 2024 | 07:37 PM
ఒకవైపు సంక్రాంతి దగ్గరపడుతుండటంతో బాలయ్య 'NBK 109'టీమ్ నుండి కనీసం టైటిల్ అనౌన్స్ కూడా కాకపోవడంతో ఫ్యాన్స్ తీవ్ర నిరాశకి గురయ్యారు. ఈ క్రమంలోనే టైటిల్ టీజర్ అనౌన్స్‌మెంట్ ఇచ్చిన విషయం తెలిసిందే. అయితే అ అప్డేట్‌లోని విషయం ఇంకా అనౌన్స్ కాకముందే అందులోని విషయం ఇప్పుడు సోషల్ మీడియాలో ట్రెండ్ అవుతోంది. ఇంతకీ అదేంటంటే..
గాడ్ ఆఫ్ మాసెస్ నందమూరి బాలకృష్ణ కొన్నేళ్లుగా అపజయమెరుగకుండా వరుస భారీ విజయాలతో దూసుకుపోతున్నారు. ప్రస్తుతం తన 109వ చిత్రం NBK109 కోసం బ్లాక్ బస్టర్ దర్శకుడు బాబీ కొల్లితో చేతులు కలిపారు. ఈ సినిమాపై ఎటువంటి అంచనాలు ఉన్నాయో ప్రత్యేకంగా చెప్పాల్సిన అవసరమే లేదు. నందమూరి అభిమానులతో పాటు, తెలుగు సినీ ప్రియులంతా ఎంతగానో ఎదుచూస్తున్న చిత్రమిది. ఇప్పటికే విడుదలైన పోస్టర్స్, గ్లింప్స్ విశేషంగా ఆకట్టుకోగా.. తాజాగా మేకర్స్ మాసివ్ అప్డేట్‌ని వదిలారు. దీపావళికి ఇస్తామన్న ఈ అప్డేట్‌ని ఎప్పుడు ఇవ్వబోతోంది తెలుపుతూ.. మేకర్స్ ఓ పవర్ ఫుల్ పోస్టర్‌ని వదిలిన విషయం తెలిసిందే. అయితే అ అప్డేట్ ఇంకా అనౌన్స్ కాకముందే అందులోని విషయం ఇప్పుడు సోషల్ మీడియాలో ట్రెండ్ అవుతోంది ఇంతకీ అదేంటంటే..
ఇటీవల మేకర్స్ కార్తీక పూర్ణిమ శుభ సందర్భంగా, నవంబర్ 15న ఉదయం 10 గంటల 24 నిమిషాలకు NBK109 టైటిల్ టీజర్‌ను విడుదల చేయనున్నట్లు అధికారికంగా ప్రకటించారు. ఈ పోస్టర్ ప్రస్తుతం వైరల్ అవుతోంది. అయితే ఈ సినిమాకు సర్కార్ సీతారామ్, డాకూ మహరాజ్, వీరమాస్ ఇలా అనేల టైటిల్స్ టీమ్ పరిశీలించారని తెలిసిందే. కాగా, ఫైనల్‌గా 'డాకూ మహరాజ్' అనే టైటిల్ పవర్ఫుల్‌గా, కొత్తగా బాగుంటుందని టీమ్ డిసైడ్ చేసిందని సమాచారం.
సంక్రాంతి కానుకగా రిలీజ్ కానున్న ఈ సినిమా షూటింగ్ కంప్లీట్ అయ్యి డిసెంబర్‌లో ఫస్ట్ కాపీ చేతికి రావాల్సి ఉంది. కానీ.. డైరెక్టర్ బాబీ ఆ డెడ్ లైన్ రీచ్ కాలేకపోయాడట. ప్రస్తుతం ఇంకో రెండు, మూడు కీలక భాగాలను షూట్ చేయాల్సి ఉంది. దీంతో మూవీ టీమ్ ఎలాంటి అప్డేట్స్ ఇవ్వలేకపోతుంది. మరోవైపు బాలయ్య.. బోయపాటి డైరెక్షన్‌లో 'అఖండ తాండవానికి' సిద్దమవుతున్నాడు. ఆహా ఆన్‌స్టాపబుల్ 4తో దూసుకుపోతున్నాడు.