Nawazuddin Siddiqui: విక్టరీ వెంకటేష్ నుండి అందరూ అది నేర్చుకోవాలి
ABN , Publish Date - Jan 06 , 2024 | 04:13 PM
విక్టరీ వెంకటేష్ మైల్ స్టోన్ మూవీ, అతని 75వ మూవీ, మోస్ట్ ఎవైటెడ్ పాన్ ఇండియా మూవీ ‘సైంధవ్’. డైరెక్టర్ శైలేష్ కొలను దర్శకత్వం వహించిన ఈ చిత్రం సంక్రాంతి కానుకగా ప్రేక్షకుల ముందుకు రాబోతోంది. ఇప్పటికే విడుదలైన టీజర్, పాటలు, ట్రైలర్ మంచి స్పందనను రాబట్టుకుని.. సినిమాపై భారీగా అంచనాలను పెంచేశాయి. తాజాగా ఈ సినిమా విశేషాలను.. ఇందులో విలన్ రోల్ చేసిన నవాజుద్దీన్ సిద్ధిఖీ మీడియాతో పంచుకున్నారు.
విక్టరీ వెంకటేష్ (Victory Venkatesh) మైల్ స్టోన్ మూవీ, అతని 75వ మూవీ, మోస్ట్ ఎవైటెడ్ పాన్ ఇండియా మూవీ ‘సైంధవ్’ (Saindhav). ట్యాలెంటెడ్ డైరెక్టర్ శైలేష్ కొలను (Sailesh Kolanu) దర్శకత్వం వహించిన ఈ చిత్రం సంక్రాంతి కానుకగా ప్రేక్షకుల ముందుకు రాబోతోంది. ఇప్పటికే విడుదలైన టీజర్, పాటలు, ట్రైలర్ మంచి స్పందనను రాబట్టుకుని.. సినిమాపై భారీగా అంచనాలను పెంచేశాయి. వెర్సటైల్ యాక్టర్ నవాజుద్దీన్ సిద్ధిఖీ (Nawazuddin Siddiqui) ఈ చిత్రంతో తెలుగులో పరిచయం అవుతున్నారు. నిహారిక ఎంటర్‌టైన్‌మెంట్ (Niharika Entertainment) బ్యానర్‌పై నిర్మాత వెంకట్ బోయనపల్లి (Venkat Boyanapalli) ప్రతిష్టాత్మకంగా నిర్మించిన ఈ చిత్రం జనవరి 13న గ్రాండ్‌గా విడుదల కానుంది. ఈ నేపధ్యంలో బాలీవుడ్ నటుడు నవాజుద్దీన్ సిద్ధిఖీ.. ఈ సినిమా విశేషాలను మీడియాతో షేర్ చేసుకున్నారు.
మీ నటనతో దేశవ్యాప్తంగా ప్రేక్షకాదరణ పొందారు.. తెలుగులోకి రావడానికి ఎందుకింత ఆలస్యమైయింది?
ప్రతి నటుడు ఒక మంచి కథ కోసం ఎదురుచూస్తాడు. నేను కూడా అలా సరైన స్క్రిప్ట్ కోసం ఎదురుచూశాను. అది ‘సైంధవ్’తో కుదిరింది. చాలా ఆసక్తికరమైన కథ ఇది. వెంకటేష్ (Venkatesh)గారితో కలసి పని చేయడం ఎవరికైనా ఒక డ్రీమ్. ఆయనతో కలసి పని చేయడం చాలా అనందంగా వుంది.
ఇప్పుడు మీరు విలన్ పాత్రలు తగ్గించారు కదా.. సైంధవ్‌లో విలన్‌గా చేయడానికి ఏదైనా కారణం ఉందా?
నేను ఎప్పుడూ విలన్, హీరో పాత్ర అని చూడలేదు. పాత్ర ఆసక్తికరంగా ఉందా లేదా? అనేదే చూస్తాను. కొన్ని సార్లు పాజిటివ్ రోల్స్ కంటే నెగిటివ్ రోల్స్‌లో పెర్ఫార్మ్ చేసే అవకాశం ఎక్కువగా వుంటుంది. సైంధవ్‌లో దర్శకుడు శైలేష్ చాలా యూనిక్ రోల్‌ని డిజైన్ చేశారు. నటించడానికి చాలా అవకాశం వున్న పాత్ర.
తొలి సినిమాకే డబ్బింగ్ చెప్పారు కదా? దీనికి స్ఫూర్తి ఏమిటి? తెలుగు భాష నేర్చుకోవడంలో ఎలాంటి సవాళ్ళు ఎదురుకున్నారు?
ఈ విషయంలో దర్శకుడు శైలేష్ ప్రేరణ ఇచ్చారు. నా నటనకు వేరే ఎవరో డబ్బింగ్ చెప్పడం కూడా నాకు ఇష్టం వుండదు. పాత్రలో ఆ డెప్త్ రాదు. ఇందులో నాది హైదరాబాది పాత్ర. హిందీ, కొంచెం తెలుగు రెండూ మాట్లాడే పాత్ర. ఆ పాత్రకు నేను డబ్బింగ్ చెబితేనే న్యాయం జరుగుతుంది. భాషని, భావాన్ని అర్థం చేసుకొని చెప్పాను. ఏదైనా కొత్త భాష నేర్చుకున్నప్పుడు మొదట్లో కొంత కష్టంగానే వుంటుంది. భాష గురించి తెలుస్తున్న కొద్దీ అది సులువైపోతుంది. నాకు ప్రామ్టింగ్ మీద నమ్మకం లేదు. ఎంత కష్టమైనా నా డైలాగులని నేర్చుకుని చెప్పడమే ఇష్టం. ‘సైంధవ్’లో కూడా అలా ప్రతిదీ నేర్చుకొని చెప్పాను. (Nawazuddin Siddiqui Interview)
తెలుగు సినిమాలు చూస్తారా?
చాలా తెలుగు సినిమాలు చూశాను. వెంకటేష్‌గారు చేసిన ఫ్యామిలీ సబ్జెక్ట్ సినిమాలు చూస్తుంటాను. ఆయన హిందీలో చేసిన ‘అనారి’ సినిమా కూడా చూశాను.
ఒక నటుడిగా మీ నుంచి మిగతా వాళ్ళు చాలా నేర్చుకుంటారు.. అలా మీరు వెంకటేష్ నుంచి ఎలాంటి విషయాలు నేర్చుకున్నారు?
ప్రతి నటుడిని నుంచి నేర్చుకోవాల్సింది చాలా వుంటుంది. వెంకటేష్‌గారు చాలా కూల్‌గా వుంటారు. ఎప్పుడూ ప్రశాంతంగా కనిపిస్తారు. లొకేషన్‌కి వచ్చే ముందే డైలాగ్స్ అన్నీ నేర్చుకొని వస్తారు. యాక్షన్ సీన్స్‌లో చాలా రిస్క్‌లు తీసుకున్నారు. ఎలాంటి డూప్ లేకుండా స్వయంగా యాక్షన్ చేశారు. ఇందులో ఆయనది చాలా ఇంటెన్స్ క్యారెక్టర్. ఈ ప్రయాణంలో ఆయన నుంచి చాలా విషయాలు నేర్చుకున్నాను. ముఖ్యంగా ఆయనకి సహనం ఎక్కువ. అది ఆయన నుంచి తప్పకుండా నేర్చుకోవాలి.
ఇది వెంకటేష్ 75వ చిత్రం.. ఇందులో భాగం ఎలా అనిపించింది?
వెంకటేష్‌గారితో కలసి పని చేయడం గ్రేట్ ఎక్స్‌పీరియన్స్. ఇందులో వెంకటేష్‌గారు చాలా డిఫరెంట్ పాత్రలో కనిపిస్తారు. కొత్త అవతార్‌లో వెంకీ గారిని చూస్తారు. ఆయన 75వ సినిమాలో నేను కూడా భాగం కావడం చాలా ఆనందంగా వుంది. (Nawazuddin Siddiqui about Saindhav)
దర్శకుడు శైలేష్ గురించి?
శైలేష్ చాలా ప్రొఫెషనల్ డైరెక్టర్. తనకి చాలా క్లారిటీ వుంటుంది. ఎడిటింగ్ కూడా తన మైండ్‌లో వుంటుంది. ఎంత షూట్ చేయాలనేది తనకు పూర్తి క్లారిటీ వుంటుంది. నా క్యారెక్టర్‌ని చాలా ఇంప్రవైజ్ చేశాడు. అవకాశం వున్న ప్రతి చోట మెరుగుపరిచాడు. తను కథ చెప్పినప్పుడే ఇది తప్పకుండా పెద్ద విజయం సాధించే చిత్రం అవుతుందనే నమ్మకం కలిగింది. కథని ఎంత అద్భుతంగా చెప్పాడో అంతే అద్భుతంగా చిత్రాన్ని తీశాడు. తను చిత్ర పరిశ్రమలోకి వచ్చి కేవలం ఐదేళ్ళు అవుతుంది. కానీ చాలా అపూర్వమైన అనుభవం అతనిలో కనిపిస్తుంది. అన్ని విషయాలపై తనకి సంపూర్ణమైన స్పష్టత వుంటుంది.
ఇందులో మీకు సవాల్‌గా అనిపించిన అంశం ఏమిటి?
హెవీ యాక్షన్ వున్న చిత్రమిది. యాక్షన్ సీక్వెన్స్‌లు చేయడం కాస్త సవాల్‌గా అనిపించింది. మీరు చూస్తున్నపుడు ఇందులో యాక్షన్ ఎంత కష్టమో అర్థమౌతుంది.
ఇందులో మీకు మెమరబుల్ మూమెంట్?
శ్రీలంక షెడ్యూల్ మర్చిపోలేను. సముద్రంలో బోట్ యాక్షన్ సీక్వెన్స్‌ని చిత్రీకరిస్తున్నాం. బోట్‌పై స్పీడ్‌గా వెళుతున్నాం. అకస్మాత్తుగా ఒక పెద్ద అల వచ్చింది. దీంతో ఒక్కసారి బోట్ వదిలేసి అలతో పాటు పైకి లేచాను. అదృష్టవశాత్తు.. మళ్ళీ బోట్‌లోనే ల్యాండ్ అయ్యాను. (నవ్వుతూ) ఆ సీన్ సినిమాలో వుంటుంది. ఆ సీక్వెన్స్‌ని ప్రేక్షకులు చాలా ఎంజాయ్ చేస్తారు. (Bollywood Actor Nawazuddin Siddiqui)
ఇందులో మీ పాత్ర లెంత్ ఎలా వుంటుంది?
ఈ చిత్రం కోసం దాదాపు 40 రోజులు పని చేశాను. నా పాత్ర పట్ల చాలా తృప్తితో వున్నాను. చాలా మంచి క్యారెక్టర్. ప్రేక్షకులు ఖచ్చితంగా ఎంజాయ్ చేస్తారనే నమ్మకం వుంది.
సైంధవ్ ప్రొడక్షన్ హౌస్ గురించి?
నిహారిక ఎంటర్‌టైన్‌మెంట్ చాలా ప్రొఫెషనల్ ప్రొడక్షన్ హౌస్. భవిష్యత్‌లో వారు చేసే చిత్రాలలో నటించాలని కోరుకుంటున్నాను.
టాలీవుడ్, బాలీవుడ్ వర్కింగ్ స్టైల్‌లో ఎలాంటి తేడా గమనించారు?
టాలీవుడ్ చాలా ప్రొఫెషనల్‌గా వుంది. ఇక్కడ సమయపాలన చక్కగా వుంది.
తెలుగు పరిశ్రమలో మీకు స్నేహితులు వున్నారా?
నాని గారు, రానా గారితో కలిసి మాట్లాడాను. వారిని కలిసినప్పుడు నటన గురించి చాలా అంశాలని పంచుకున్నాం.
టాలీవుడ్‌లో మీ ఫేవరేట్ యాక్టర్?
అందరూ ఇష్టమే. ప్రతి ఒక్కరిలో ఒక యూనిక్‌నెస్ వుంటుంది.
మీకు డ్రీమ్ రోల్ ఉందా?
ఓషో పాత్ర చేయాలని వుంది. అవకాశం వస్తే ఆయన బయోపిక్ చేస్తాను.
ఇవి కూడా చదవండి:
====================
*Dhanush: సోషల్‌ మీడియాతో జర జాగ్రత్త!
****************************
*RC16: ట్రెండింగ్‌లో రామ్ చరణ్ ‘RC16’.. ఎందుకో తెలుసా?
***************************
*Kannappa: ‘కన్నప్ప’తో ఆ డ్రీమ్ కూడా తీర్చేసుకుంటున్నారు..
**************************
*Dushara Vijayan: అంత పద్దతిగా ఉండే దుషార.. ఒక్కసారిగా దుమ్మురేపిందిగా..
*************************