Lara: పుదుచ్చేరిలో జరిగిన యధార్థ ఘటనల‌తో.. ‘లారా’
ABN , Publish Date - Aug 12 , 2024 | 12:58 PM
కొన్నేళ్ళ క్రితం పుదుచ్చేరిలోని కారైక్కాల్‌లో జరిగిన యధార్థ సంఘటన ఆధారంగా తెరకెక్కించిన చిత్రం ‘లారా’ . తాజాగా ఈసినిమా ఫస్ట్‌లుక్‌ను ప్రముఖ నటుడు విజయ్‌ సేతుపతి తాజాగా రిలీజ్‌ చేశారు.
కోయంబత్తూరు జిల్లాలో ప్రముఖ రియల్‌ ఎస్టేట్‌ కంపెనీ యజమాని, ఎంకే అసోసియేట్స్‌ అధినేత ఎం.కార్తికేశన్ (Karthi Kesan) సినిమా రంగంలోకి అడుగుపెట్టి ఎంకే ఫిల్మ్‌ మీడియా వర్క్స్‌ ప్రైవేట్‌ లిమిటెడ్‌ పతాకంపై నిర్మించిన తొలి చిత్రం ‘లారా’. ఈ సినిమా ఫస్ట్‌లుక్‌ను ప్రముఖ నటుడు విజయ్‌ సేతుపతి (Vijay Sethupathi) తాజాగా రిలీజ్‌ చేశారు. మణిమూర్తి అనే నూతన దర్శకుడు ఈ సినిమా డైరెక్ట్‌ చేశారు.
ఈ మూవీలో ‘పిడిచ్చిరుకు మురుగా’ ఫేం అశోక్‌ కుమార్ ( Ashok Kumar) హీరోగా నటించగా, అనుశ్రీ, వెన్మతి, వర్షిణి హీరోయిన్లుగా, ఇతర పాత్రల్లో మాథ్యూ వర్గీస్‌, కార్తికేశన్, ఎస్‌కే బాబు నటించారు. ఇన్వెస్టిగేషన్‌ సస్పెన్స్‌ థ్రిల్లర్‌గా రూపొందించారు.
కొన్నేళ్ళ క్రితం పుదుచ్చేరిలోని కారైక్కాల్‌లో జరిగిన యధార్థ సంఘటన ఆధారంగా తెరకెక్కించారు. ఈ మూవీ టైటిల్‌ను సీనియర్‌ నటుడు సత్యరాజ్‌ రిలీజ్‌ చేశారు. ఇపుడు ఫస్ట్‌లుక్‌ను విజయ్‌ సేతుపతి రిలీజ్‌ చేసి... చిత్ర బృందాన్ని అభినందించారు. ఈ సినిమాకు కెమెరా ఆర్జే రవిన్‌, ఎడిటింగ్‌ వలర్‌పాండి, పాటలు ఎం.కార్తికేశన్, ముత్తమిళ్‌, సంగీతం రఘు శరవణ కుమార్.