విజయ్‌ చిత్రంలో.. కమలహాసన్‌?

స్టార్‌ హీరో విజయ్ (Thalapathy VIJAY) చిత్రంలో విశ్వనటుడు కమలహాసన్ (Kamal Hasan) అతిథి పాత్రను పోషించనున్నట్టు కోలీవుడ్‌ వర్గాల సమాచారం. ప్రస్తుతం ఈ ఇద్దరు నటీనటులు తమతమ ప్రాజెక్టుల్లో బిజీగా ఉన్నారు. వెంకట్‌ ప్రభు రూపొందించిన ‘ది గోట్’ (The GOAT)చిత్రంలో విజయ్‌ నటిస్తున్నారు. ఆ తర్వాత హెచ్‌.వినోద్‌ (H Vinoth) దర్శకత్వంలో మరో చిత్రంలో నటించేందుకు కమిట్‌ అయ్యారు.

అలాగే, కమల్‌ కూడా మణిరత్నం (Mani Ratnam) దర్శకత్వం వహిస్తున్న ‘థగ్ లైఫ్’ (Thug Life) సినిమాలో నటిస్తున్నారు. అయితే, హెచ్‌.వినోద్ (H Vinoth) దర్శకత్వంలో కమల్‌-233 రూపొందాల్సి ఉంది. అనివార్య కారణాలతో ఈ ప్రాజెక్టు కార్యరూపం దాల్చలేదు.

ఇపుడు కమల్‌కు చెప్పిన స్టోరీతోనే విజన్హ్స్య్ హెచ్‌.వినోద్ (H Vinoth) సినిమా చేస్తున్నారు. ఇది విజయ్ (Thalapathy VIJAY) నటించే 69వ చిత్రం. ఇందులో కమల్ (Kamal Hasan) అతిథి పాత్రను పోషించనున్నారంటూ ప్రచారం సాగుతోంది. ఈ వార్తలు నిజమైతే.. విజయ్‌ - కమల్‌ కలిసి తొలిసారి నటించే తొలి చిత్రం ఇదే అవుతుంది.