Bison: మారి సెల్వరాజ్, దృవ్.. ‘బైసన్‌’ తొలి షెడ్యూల్‌ పూర్తి

మారి సెల్వరాజ్ (Mari Selvaraj) దర్శకత్వంలో చియాన్‌ విక్రమ్‌ తనయుడు ధృవ్ (DhruvVikram) నటిస్తున్న ‘బైసన్‌’ (Bison) మూవీ తొలి షెడ్యూల్‌ను పూర్తి చేసుకుంది. అనుపమ పరమేశ్వరన్ (Anupama Parameswaran ) హీరోయిన్‌గా నటిస్తున్న ఈ సినిమాలో పశుపతి (Pasupathy), కలైయరసన్ (Kalaiyarasan), రెజిషా విజయన్ (Rajisha Vijayan), హరికృష్ణన్‌, అళగమ్‌ పెరుమాళ్‌, అరువి మదన్‌ తదితరులు ప్రధాన పాత్రలు పోషిస్తున్నారు.

నివాస్‌ కె.ప్రసన్న సంగీతం అందించే ఈ చిత్రానికి ఎళిల్‌ అరసు సినిమాటోగ్రఫీ సమకూర్చుతున్నారు. అప్లాజ్‌ ఎంటర్‌టైన్మెంట్‌ పతాకం, దర్శకుడు పా.రంజిత్‌కు చెందిన నీలం స్టూడియో సంయుక్తంగా ఈ మూవీ నిర్మిస్తున్నాయి. ఇటీవల ఫస్ట్‌లుక్‌ విడుదల చేయగా ప్రేక్షకుల నుంచి ట్రెమండస్‌ రెస్పాన్స్‌ వచ్చిన విషయం తెల్సిందే.

ఈ నేపథ్యంలో తొలి షెడ్యూల్‌ విజయవంతంగా పూర్తి చేసుకుందని దర్శకుడు మారి సెల్వరాజ్‌ తన ఎక్స్‌ ఖాతాలో ట్వీట్‌ చేశారు. కాగా, మారి సెల్వరాజ్‌, వడివేలు, ఉదయనిధి కాంబినేషన్‌లో వచ్చిన ‘మామన్నన్‌’ ఘన విజయం సాధించిన విషయం తెల్సిందే. ఈ చిత్రం ద్వారా మారి సెల్వరాజ్ (Mari Selvaraj) చేపట్టిన ప్రాజెక్టు కావడంతో ‘బైసన్‌’ (Bison) పై ప్రేక్షకుల్లో భారీ అంచనాలు నెలకొన్నాయి.