Durai Sudhakar: వ‌ర‌ల్డ్ ఫేమ‌స్ దురై సుధాకర్‌కు.. క్యూ క‌డుతున్న ఛాన్సులు

గతంలో త‌మిళంలో వచ్చిన ‘కలవాణి-2’ చిత్రంలో విలన్‌గా నటించి ప్రేక్షకుల మన్ననలు పొందిన దురై సుధాకర్ (Durai Sudhakar) ఇపుడు బుల్లితెరపై వ‌రుస అవ‌కాశాల‌తో రాణిస్తున్నారు. ఓ ప్రముఖ టీవీలో ప్రసారమవుతున్న ‘మూండ్రు ముడిచ్చు’ అనే సీరియల్‌లో ఒక ముఖ్య పాత్ర పోషిస్తున్నారు. ఇందులో ఆయన పాత్ర ప్రతి ఒక్కరినీ ఆలరిస్తుంది. దీంతో ఆయనకు బుల్లితెరపై ఛాన్సులు క్యూ క‌ట్టాయి.

మరోవైపు, సిల్వర్ స్క్రీన్‌పై కూడా తన ప్రతిభ నిరూపించుకుంటున్నారు. ఈయన హీరోగా నటించిన ‘తప్పాట్టం’ (Thappattam) చిత్రంతో అంతర్జాతీయంగా గుర్తింపు పొందారు.

ఈ సినిమాలోని ఒక సన్నివేశం ఫొటోను ప్రపంచ కుబేరుల్లో ఒకరైన ఎలాన్‌ మస్క్‌ తన ట్విటర్‌ ఖాతాలో షేర్‌ చేశారు. దీంతో దురై సుధాకర్ (Durai Sudhakar) రాత్రికి రాత్రి అంతర్జాతీయంగా ఫేమస్‌ అయ్యారు.

దీంతో ఆయనకు చిత్రపరిశ్రమలో కూడా వరుస సినీ అవకాశాలు వస్తుండటంతో ఆనందం వ్యక్తం చేస్తున్నారు.