Andrea Jeremiah: ఫ్లీజ్.. జస్టిస్‌ హేమ కమిషన్‌పై న‌న్ను ప్రశ్నలు అడగొద్దు

మలయాళ చిత్రపరిశ్రమలో అవకాశాల పేరుతో ‘అడ్జెస్ట్‌మెంట్‌’పై జస్టిస్‌ హేమ కమిషన్‌ ఇచ్చిన నివేదికపై తనను ప్రశ్నించవద్దంటూ సింగర్‌, హీరోయిన్‌ ఆండ్రియా జెర్మయ్య (Andrea Jeremiah) స్పష్టంచేశారు. తిరువాన్మియూరులో ఓ ప్రైవేట్ కార్య‌క్ర‌మంలో ఆమె పాల్గొంది. ఈ సందర్భంగా ఆమెను మీడియా జస్టిస్‌ హేమ కమిషన్‌పై ప్రశ్నలు సంధించింది.

దీనికి ఆండ్రియా జెర్మయ్య (Andrea Jeremiah) సమాధానమిస్తూ, చిత్రపరిశ్రమలో మహిళల లైంగిక వేధింపులపై జస్టిస్‌ హేమ కమిషన్‌ ఇచ్చిన నివేదికపై నో కామెంట్స్‌, ఈ అంశంలో ఎలాంటి ప్రశ్నలు అడగొద్దు’ అంటూ కోరారు. నిజానికి ప్రతి అంశంలో ఎంతో బోల్డ్‌గా స్పందించే నటి ఆండ్రియా.. జస్టిస్‌ హేమ కమిషన్‌పై మాట్లాడేందుకు నిరాకరించడం ఇపుడు చర్చనీయాంశంగా మారింది.