Amaran: అమరన్ సినిమా కోసం సీఎంకి స్పెషల్ షో
ABN , Publish Date - Oct 31 , 2024 | 03:03 PM
ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. దీపావళి కానుకగా నేడు( అక్టోబర్ 31) ఈ సినిమా విడుదలైంది. కాగా ఈ సినిమా కోసం తమిళనాడు సీఎం స్టాలిన్ కి ప్రత్యేక షో ఏర్పాటు చేశారు మేకర్స్.
ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. రాజ్‌కుమార్ పెరియసామి దర్శకత్వం వహిస్తున్న ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మిస్తున్నారు. ఈ మూవీలో సాయి పల్లవి ఫిమేల్ లీడ్‌గా నటిస్తున్నారు. దీపావళి కానుకగా నేడు( అక్టోబర్ 31) ఈ సినిమా విడుదలైంది. కాగా ఈ సినిమా కోసం తమిళనాడు సీఎం స్టాలిన్ కి ప్రత్యేక షో ఏర్పాటు చేశారు మేకర్స్.
కార్గిల్‌ యుద్ధంలో వీరమరణం పొందిన కేరళ రాష్ట్రానికి చెందిన మేజర్‌ ముకుంద్‌ వరదరాజన్‌ జీవిత చరిత్ర ఆధారంగా ఈ సినిమా తెరకెక్కింది. జమ్మూకశ్మీర్‌ రాష్ట్రంలో లైవ్‌ లొకేషన్లలో ఈ చిత్రాన్ని ఇండియన్‌ ఆర్మీ అనుమతితో చిత్రీకరించారు. ఇప్పటికే ఈ సినిమా చూసిన ఆర్మీ అధికారులు చిత్ర బృందాన్ని ప్రశంసల వర్షంలో ముంచెత్తడంతో చిత్రంపై అంచనాలు మరింతగా పెరిగిపోయాయి. తాజాగా తమిళనాడు ముఖ్యమంత్రి స్టాలిన్ తో పాటు డిప్యూటీ సీఎం ఉదయనిధి స్టాలిన్ కోసం ప్రత్యేకమైన షో నిర్వహించారు మూవీ యూనిట్. దీంతో ఈ ఫోటోలు వైరల్ అయ్యాయి.
ఈ క్రమంలోనే హీరో శివకార్తికేయన్ మాట్లాడుతూ.. సినిమాని చూసిన సీఎం ఎంతోగాను మెచ్చుకున్నారన్నారు. మేజర్‌ ముకుంద్‌ జీవితాన్ని తెరపై ఎంతో గొప్పగా చూపించారని ప్రశంసించారన్నారు. ఆయన మాటలు ఆనందాన్ని కలిగించాయని శివ కార్తికేయన్‌ తెలిపారు. అలాగే సీఎం స్టాలిన్ కూడా తన ట్విటర్ అకౌంట్ ద్వారా చిత్రబృందాని ప్రశంసలతో ముంచెత్తారు. మరోవైపు సినిమాకి కూడా మంచి టాక్ వినిపిస్తోంది. ప్రత్యేకంగా సాయి పల్లవి పాత్రపై ప్రశంసల జల్లు కురుస్తుంది.