Andhagan: వారం రోజులు ముందుగానే థియేట‌ర్ల‌లోకి ‘అందగన్‌’

ప్రశాంత్ (Prashanth), ప్రియా ఆనంద్ (Priya Anand) జంటగా నటించిన చిత్రం ‘అంధగన్’ (Andhagan). చాలా కాలం షూటింగ్ పూర్తి చేసుకున్న ఈ మూవీని స్వాతంత్య్ర దినోత్సవ సందర్భంగా ఆగస్టు 15వ తేదీన విడుదల చేస్తున్నట్టు ప్రకటించారు. అయితే, అదే రోజు త‌మిళ‌నాట చాలా చిత్రాలు విడుదలకు సిద్ధంగా ఉన్నాయి. దీంతో ‘అంధగన్‌’ చిత్రాన్ని వారం రోజులు ముందుగానే ఆగస్టు 9వ తేదీ విడుదల చేయనున్నట్టు హీరో ప్రశాంత్‌ తన ట్విటర్‌ ద్వారా అధికారికంగా వెల్లడించారు.

శ్రీరామ్‌ రాఘవన్‌ దర్శకత్వంలో ఆయుష్మాన్‌ ఖురానా, టబు తదితరులు నటించిన బాలీవుడ్‌ మూవీ ‘అంధాధున్‌’ మూవీని దర్శక నిర్మాత త్యాగరాజన్ (Thiagarajan) తమిళంలోకి రీమేడ్‌ చేశారు. స్టార్‌ మూవీస్‌ పతాకంపై ప్రశాంత్ (Prashanth), ప్రియా ఆనంద్ (Priya Anand), కార్తీక్‌, సిమ్రాన్ (Simran), వనిత, ఊర్వశి, సముద్రఖని, కేఎస్‌ రవికుమార్‌, మనోబాల, యోగిబాబు తదితరులు నటించారు. ఎపుడెపుడా అని ఎదురు చూస్తున్న ఈ సినిమా ట్రైలర్‌ను చిత్ర బృందం తాజాగా రిలీజ్‌ చేయగా, మంచి స్పందన వచ్చిన విషయం తెల్సిందే.