Ilayaraja: రిపబ్లిక్‌ డే రోజున.. ఇళయరాజా సింఫోనీ మ్యూజిక్‌ రిలీజ్‌
ABN , Publish Date - Nov 03 , 2024 | 01:45 PM
‘ఇసెజ్ఞాని’ ఇళయరాజా స్వర పరుస్తున్న సింఫోనీ మ్యూజిక్‌ను వచ్చే యేడాది జనవరి 26న భారత గణతంత్ర దినోత్సవాన్ని పురస్కరించుకుని విడుదల చేయనున్నారు. ఈ విషయాన్ని ఇళయరాజా తన ఎక్స్‌ ఖాతాలో వెల్లడించారు.
‘ఇసెజ్ఞాని’ ఇళయరాజా (Ilayaraja) స్వర పరుస్తున్న సింఫోనీ మ్యూజిక్‌ను వచ్చే యేడాది జనవరి 26న భారత గణతంత్ర దినోత్సవాన్ని పురస్కరించుకుని విడుదల చేయనున్నారు. ఈ విషయాన్ని ఇళయరాజా (Ilayaraja) తన ఎక్స్‌ ఖాతాలో వెల్లడించారు. ఇదే విషయంపై ఆయన పోస్ట్‌ చేసిన ట్వీట్‌లో.. ‘అందరికీ దీపావళి శుభాకాంక్షలు. ఈ రోజు నా సింఫోనీ మ్యూజిక్‌ను రికార్డు చేశాను. వచ్చే యేడాది జనవరి 26వ తేదీన విడుదలకానుంది. ఈ విషయాన్ని ప్రపంచ వ్యాప్తంగా ఉన్న సంగీత ప్రియులకు సంతోషంగా తెలియజేస్తున్నాను’ అని పేర్కొన్నారు.
గత మే నెలలో చేసిన ఓ ట్వీట్‌లో ‘మీరంతా నన్ను ఆదరిస్తూనే ఉంటారు. గత నెలలోనే ఒక సింఫోని రాయడం పూర్తి చేశాను. మధ్యమధ్యలో సినిమా సంగీతం, సంగీత విభావరిలపై దృష్టి సారించాల్సి ఉంది. అంత బిజీ సమయంలోనూ ప్యూర్‌ సింఫోనీగా రాయడం పూర్తి చేశాను’ అని పేర్కొన్నారు.