Mr Housekeeping: యూ ట్యూబర్ హీరోగా.. ‘మిస్టర్‌ హౌస్‌ కీపింగ్‌’

ఒకప్పటి యూ ట్యూబర్‌ హరి భాస్కర్ (Hari Baskar) హీరోగా పరిచయమవుతూ ‘మిస్టర్‌ హౌస్‌ కీపింగ్‌’ (Mr House keeping) అనే చిత్రం తెరకెక్కుతోంది. బిగ్ బ్యూటీ లోస్యా హీరోయిన్గా నటిస్తోంది. శ్రీతేనాండాళ్‌ ఫిలిమ్స్ (Thenandal Films) సమర్పణలోవస్తున్న ఈ మూవీకి అరుణ్ రవిచంద్రన్ (Arun Ravichandran) దర్శకుడు.

తాజాగా ఈ సినిమా ఫస్ట్‌లుక్‌ను ప్రముఖ దర్శకుడు అట్లీ రిలీజ్‌ చేశారు. ఎన్నో కుటుంబ కథా చిత్రాలతో విశేష ఆదరణ పొందిన తేనాండాళ్‌ ఫిలిమ్స్‌ తన 101వ చిత్రంగా ఈ సినిమా నిర్మిస్తోంది.

అన్ని వర్గాల ప్రేక్షకులను ఆలరించేలా, కమర్షియల్‌ థ్రిల్లర్‌గా, ప్రేక్షకులను నవ్వించే కథాంశంతో ఒక మంచి సందేశాత్మక సినిమా రూపొందిస్తామని తెలిపారు. చిత్రీకరణ చివరి దశకు చేరుకుందని, అన్ని పనులను ముగించి, పూర్తి వివరాలను త్వరలోనే వెల్లడిస్తాని వెల్లడించారు.