Arya: ఆర్యతో.. నిఖిలా విమల్‌

గ‌త సంవ‌త్స‌రం ఆర్జే బాలాజీ హీరోగా ర‌న్ బేబీ ర‌న్ సినిమాను తెర‌క‌క్కించి హిట్ కొట్టిన జియ‌న్ కృష్ణ‌కుమార్ (Jiyen Krishnakumar) ద‌ర్శ‌క‌త్వంలో ఆర్య (Arya) హీరోగా ఓ చిత్రం ప‌ట్టాలెక్కింది. ఈ సినిమాలో ఆర్య క‌థానాయ‌కుడిగా న‌టిస్తోండ‌గా మ‌ల‌యాళ బ్యూటీ తొలిసారి ఆర్య‌ సరసన క‌థానాయిక‌గా ఎంపికైంది.

పా.రంజిత్‌ దర్శకత్వంలో వచ్చిన ‘సర్పట్టా పరంబరై’ వంటి బ్లాక్‌బస్టర్‌ హిట్‌ తర్వాత హీరో ఆర్య (Arya) కథల ఎంపికలో ఆచితూచి అడుగులు వేస్తున్నారు. ప్రస్తుతం ఆర్య‌ ‘మిస్టర్‌ ఎక్స్‌’ మూవీలో నటిస్తుండ‌గా ఈ మూవీ తర్వాత తమిళం, మలయాళం భాషల్లో ఏకకాలంలో రూపొందే ద్విభాషా చిత్రంలో నటించనున్నారు.

మలయాళంలో ప్రముఖ కథారచయిత మురళిగోపి ఈ చిత్రానికి కథ సమకూర్చారు. ఈ ప్రాజెక్టు కోసం నటీనటులు, సాంకేతిక నిపుణుల ఎంపిక జరుగుతుంది. ఇందులో భాగంగా మ‌ల‌యాళంలో వ‌రుస చిత్రాల‌తో ఫుల్ బిజీగా ఉన్న‌ హీరోయిన్‌గా నిఖిలా విమల్ (Nikhila Vimal)ను ఎంపిక చేయగా, ఈ విషయాన్ని అధికారికంగా ప్రకటించాల్సి ఉంది.