దర్శకుడిగా మారిన‌.. గౌతం వాసుదేవ్‌ మీనన్‌ అసిస్టెంట్‌

ఉపేంద్ర గాడి అడ్డా (Upendra Gadi Adda) వంటి హిట్ చిత్రం త‌ర్వాత కంచర్ల ఉపేంద్ర (Kancherla Upendra) హీరోగా ఎస్‌ఎస్‌ఎల్‌ఎస్‌ క్రియేషన్స్ (SSLS Creations banner) పతాకంపై త‌మిళంలో రూపొందుతున్న చిత్రం ‘విక్రమ్‌ కే దాస్‌’(Vikram K Das). ఈ సినిమా ప్రారంభోత్సవం ఇటీవ‌ల చెన్నైలో జరిగింది. ప్రముఖ దర్శకుడు గౌతం వాసుదేవ్‌ మీనన్‌ వద్ద అసిస్టెంట్‌గా పని చేసిన బాలు పొలిచర్ల (Balu Policherla) దర్శకత్వం వహిస్తున్నారు.

సీర్గాళి సిర్పి అందించిన సాహిత్యానికి పృథ్వీ స్వరకల్పన చేశారు. ఎడిటింగ్‌ గ్రేసన్‌, కెమెరా విజయ్‌ జే ఆనంద్‌. తమిళ, తెలుగు భాషల్లో ఏకకాలంలో నిర్మిస్తున్న ఈ సినిమా షూటింగ్‌ త్వరలోనే ప్రారంభించనున్నట్టు నిర్మాత కంచర్ల అచ్యుత రావు (Kancherla Achyuta Rao), సహ నిర్మాతలు కంచర్ల సుబ్బలక్ష్మి, కంచర్ల సునీత పేర్కొన్నారు.

కాగా, సినీ చరిత్రలో ‘విక్రమాదిత్య’తో ప్రారంభమై ‘విక్రమ్‌’, ‘విక్రమ్‌ వేద’ వంటి చిత్రాలకు ప్రత్యేక గుర్తింపు ఉంది. పైగా ఈ చిత్రాలన్నీ ఘన విజయాన్ని సాధించాయి. ఆ వరుసలో నిలవాలన్న లక్ష్యంతో ‘విక్రమ్‌ కే దాస్‌’ పేరుతో నిర్మిస్తున్నామని, ఇది తమ సంస్థకు ఎనిమిదో చిత్రమని నిర్మాతలు తెలిపారు.