2k Love Story: 38 రోజుల్లోనే షూటింగ్‌ పూర్తి.. ఆపై సెలెబ్రేషన్స్‌

ప్రముఖ దర్శకుడు సుశీంద్రన్ (Suseenthiran) తాజాగా నిర్మించిన చిత్రం ‘2కే లవ్‌స్టోరీ’(2k Love Story). నేటితరం ప్రేమ కథగా తెర‌కెక్కిన‌ ఈ సినిమా కేవలం 38 రోజుల్లోనే షూటింగ్‌ పూర్తి చేసుకుంది. పోస్ట్‌ ప్రొడక్షన్‌ నిర్మాణ పనులను కూడా శరవేగంగా చేసి విడుదల చేసేందుకు సిద్ధం చేస్తున్నారు. తమిళ చిత్ర పరిశ్రమలో తనదైన విలక్షణమైన చిత్రాలతో అభిమానుల హృదయాలను కొల్లగొట్టిన దర్శకుడు సుశీంద్రన్ (Suseenthiran) సుధీర్ఘ విరామం తర్వాత రొమాన్స్‌ జోనర్‌లో ఈ సినిమాను తెరకెక్కించారు.

2కే తరానికి చెందిన యువత ప్రేమ, స్నేహం, వారి జీవితాలను ప్రతిబింబించే విధంగా ఈ చిత్రాన్ని రూపొందించారు. ఈ సినిమాలో జగ్‌వీర్ (Jagaveer ) ప్రధాన పాత్రలో నటించగా, మీనాక్షి గోవిందరాజన్ (Meenakshi Govindharajan) హీరోయిన్‌. వీరితో పాటు బాల శవరణన్‌, ఆంటోని భాగ్యరాజ్‌, జయప్రకాష్‌, వినోదిని, సింగముత్తు, జిబి ముత్తు తదితరులు ఇతర పాత్రలను పోషించారు.

చెన్నై, కోయంబత్తూరు తదితర ప్రాంతాల్లో కేవలం 38 రోజుల్లో షూటింగ్‌ పూర్తి చేసుకుంది. డి.ఇమ్మాన్ (D.IMMAN) సంగీతం సమకూర్చుతున్నారు. సుశీంద్రన్‌ - ఇమ్మాన్‌ కాంబినేషన్‌లో వస్తున్న పదో చిత్రం కావడం గమనార్హం. మూవీ ఫస్ట్‌లుక్‌తో పాటు టీజర్‌ను త్వరలోనే విడుదల చేయనున్నారు.