Rajinikanth: నేను ఏదైనా చేయనా? చెక్‌ బౌన్స్‌ కేసుపై లింగుస్వామికి రజనీ ఫోన్‌

ర‌న్‌, పందెంకోడి వంటి సినిమాల‌తో అల‌రించి తెలుగులో గ‌త సంవ‌త్స‌రం రామ్‌ వారియ‌ర్ మూవీకి ద‌ర్శ‌క‌త్వం వ‌హించిన డైరెక్ట‌ర్ లింగుస్వామి(Lingusamy)కి చెక్‌ బౌన్స్‌ కేసులో కోర్టు ఆరు నెలల జైలుశిక్ష విధించింది. ఈ విషయం తెలుసుకున్న సూపర్‌ స్టార్‌ రజనీకాంత్ (Rajinikanth) స్వయంగా లింగుస్వామికి ఫోన్‌ చేసి.. ‘నేను ఏదైనా చేసేదా? అంటూ అడిగారు. ఈ విషయాన్ని లింగుస్వామి (Lingusamy) తాజాగా వెల్లడించారు. విష‌యానికి వ‌స్తే.. గతంలో లింగుస్వామి దర్శకత్వంలో వచ్చిన ‘ఉత్తమ విలన్‌’ డిజాస్టర్‌ ఫ్లాప్‌ సొంతం చేసుకుంది.

దీంతో ఆయన ఆర్థికంగా నష్టపోయారు. ఆ తర్వాత ‘ఇడమ్‌ పొరుల్‌ ఏవల్‌’ అనే సినిమాను లింగుస్వామి తెరకెక్కించారు. అయితే, పీవీపీకి, తిరుపతి బ్రదర్స్‌కు మధ్య ఆర్థిక వివాదం కేసు జరుగుతుంది. పీవీపీ సంస్థ నుంచి తీసుకున్న రుణం తిరిగి చెల్లించే నిమిత్తం ఆ సంస్థకు లింగుస్వామి ఇచ్చిన చెక్కు బౌన్స్‌ అయింది. ఈ వ్యవహరంలో సైదాపేట కోర్టు లింగుస్వామికి ఆరు నెలల జైలుశిక్ష విధించింది. దీన్ని హైకోర్టులో సవాల్‌ చేయగా అక్కడ కూడా చుక్కెదురైంది.

ఈ విషయం తెలుసుకున్న రజనీకాంత్ (Rajinikanth) స్వయంగా లింగుస్వామి(Lingusamy) కి ఫోన్‌ చేసి... ‘నేను ఏమైనా చేయనా? సమస్య ఏంటి? ఎంత మొత్తం ఉంటుంది’ అంటూ ఆరా తీశారు. ఆ సమయంలో నేను ఎంతో భావోద్వేగానికి లోనయ్యారు. విచారించడంలో తప్పులేదు. కానీ, ఆ మొత్తం ఎంతో చెప్తే సెటిల్‌ చేసేద్దాం అని తలైవర్‌ చెప్పడం జీవితంలో మరచిపోలేని విషయం అని లింగుస్వామి తాజాగా వెల్లడించారు.