Lakshana Rishi: బేబీ లక్షణ రిషి ప్రధాన పాత్రలో ‘ఎంగ అప్పా’
ABN , Publish Date - Sep 10 , 2024 | 04:41 PM
తమిళ చిత్ర పరిశ్రమలో బాలనటిగా ప్రతి ఒక్కరి నుంచి ప్రశంసలు అందుకుంటున్న బేబీ లక్షణ రిషి ప్రధాన పాత్రలో ‘ఎంగ అప్పా’ పేరుతో ఒక చిత్రం రూపుదిద్దుకుంది.
తమిళ చిత్ర పరిశ్రమలో బాలనటిగా ప్రతి ఒక్కరి నుంచి ప్రశంసలు అందుకుంటున్న బేబీ లక్షణ రిషి (Lakshana Rishi) ప్రధాన పాత్రలో ‘ఎంగ అప్పా’ (Enga Appa)పేరుతో ఒక చిత్రం రూపుదిద్దుకుంది. ఈ నెల 18వ తేదీ విడుదలకు సిద్ధమైన ఈ చిత్రంలో ఐదేళ్ళ లక్షణ రిషి.. తండ్రిని దైవంగా భావించి ఓ పాట పాడుతుంది. ఈ పాటను విజయ్‌ టీవీ సూపర్‌ సింగర్‌ ప్రియాంక (Vijay TV Super Singer Priyanka) నేపథ్య గానం చేశారు. ఈ పాట సినిమాకే హైలెట్‌గా నిలుస్తుందని చిత్ర బృందం చెబుతోంది.
డాక్టర్‌ ఎస్‌.వి.రిషి ( Dr. SV Rishi) దర్శకత్వం వహించిన ఈ చిత్రాన్ని ఇప్పటికే చిత్ర పరిశ్రమకు చెందిన పలువురు సినీ ప్రముఖుల కోసం ప్రదర్శించారు. ఈ చిత్రంలో బాలనటి నటన చూసి ఆశ్చర్యపోవడంతో పాటు భవిష్యత్‌ కథానాయికి అంటూ ప్రశంసల వర్షం కురిపించడం గమనార్హం. తమిళనాడు, కేరళ రాష్ట్రంలో ఎంతో అందమైన లొకేషన్లలో సినిమా షూటింగ్‌ పూర్తి చేశారు. అప్పా మీడియా పతాకంపై తెరకెక్కిన ఈ చిత్రాన్ని అనీషా సతీష్‌ నిర్మించారు.