అధర్వ హీరోగా.. హైపర్‌లింక్‌ థ్రిల్లర్‌

‘మారన్‌’ ఫేం కార్తీక్‌ నరేన్ (Karthick Naren) దర్శకత్వంలో అధర్వ (Atharvaa murali ) హీరోగా నటించిన తాజా చిత్రం ‘నిరంగల్‌ మూండ్రు’(Nirangal Moondru). ఈ నెల 22న విడుదల చేయనున్నట్టు మేకర్స్‌ అధికారికంగా ప్రకటించారు. ఇందులో అధర్వతో పాటు శరత్‌ కుమార్ (Sarath Kumar), రెహమాన్ (Rahman ), అమ్ము అభిరామి (Ammu Abhirami) కీలక పాత్రలు పోషించారు. హైపర్‌లింక్‌ థ్రిల్లర్‌ జానర్‌లో రూపొందించిన ఈ సినిమాకు జేక్స్‌ బిజోయ్‌ సంగీతం అందించారు.

ఈ సినిమా ట్రైలర్‌ ఇప్పటికే విడుదల చేయగా, ప్రేక్షకుల నుంచి స్పందన వచ్చింది. ఇపుడు ఈ సినిమా విడుదల తేదీని ప్రకటించారు. నిజానికి ఈ సినిమాను ఎపుడో విడుదల చేయాల్సి ఉండగా, కొన్ని సమస్యల కారణంగా విడుదల కాలేదు. ఇపుడు ఈ సమస్యలన్నీ పరిష్కారం కావడంతో రిలీజ్‌ తేదీ ప్రకటించారు. ఐంగారన్‌ ఇంటర్నేషనల్‌ బ్యానరుపై తెరకెక్కింది. కాగా అధర్వ ప్రస్తుతం ‘డీఎన్‌ఏ’ అనే చిత్రంలో నటిస్తున్న విషయం తెల్సిందే.