Toofan: చ‌ప్పుడులేకుండా ప‌ది రోజుల్లోనే.. ఓటీటీకి విజ‌య్ అంటోని లేటెస్ట్ యాక్ష‌న్ థ్రిల్ల‌ర్‌

స‌రిగ్గా 12 రోజుల క్రితం థియేట‌ర్ల‌లో విడుద‌లైన విజ‌య్ అంటోని కొత్త చిత్రం తుఫాన్ (Toofan) చ‌ప్పుడు లేకుంగా డిజిట‌ల్ స్ట్రీమింగ్‌కు వ‌చ్చేసింది. శరత్ కుమార్ ( Sarathkumar), సత్యరాజ్(Sathyaraj), డాలీ ధనుంజయ (Daali Dhananjaya), మేఘా ఆకాష్ (Megha Akash), మురళీ శర్మ (Murali Sharma), పృథ్వీ అంబర్ (Pruthvi Ambaar), శరణ్య పొన్వన్నన్ (Saranya Ponvanna), తలైవాసల్ విజయ్ (Thalaivasal Vijay) వంటి మ‌హా హ‌హులు న‌టించిన ఈ చిత్రానికి మిజ‌య్ మిల్ట‌న్ (Vijay Anton) ద‌ర్శ‌క‌త్వం వ‌హించ‌గా ఇన్ఫినిటీ ఫిల్మ్ వెంచర్స్ బ్యానర్‌పై కమల్ బోరా, డి.లలితా, బి. ప్రదీప్, పంకజ్ బోరా నిర్మించారు. తెలుగులో విడుద‌ల‌కు ఓ వారం ముందే త‌మిళంలో రిలీజైన ఈ చిత్రం ఆగ‌స్టు9న మ‌న‌ ప్రేక్ష‌కుల ముందుకు వ‌చ్చిన ఈ మూవీ స‌రైన‌ ప్ర‌చారం లభించ‌క‌ ప్రేక్ష‌కుల‌ను నిరాశ‌ ప‌ర్చింది.

క‌థ విష‌యానికి వ‌స్తే.. స‌లీం ఓ సీక్రెట్ ఏజెంట్‌. త‌న బాస్ శ‌ర‌త్ కుమార్ అదేశాల మేర‌కు ఓ ఆప‌రేష‌న్ నిమిత్తం అండ‌మాన్‌కు వెళ‌తాడు. తీరా అత‌ను వెళ్లిన స‌మ‌యానికి ఆ ప్రాంతాన్ని డాలీ శాసిస్తుంటాడు. డ‌బ్బులు వ‌డ్డీకి ఇస్తూ.. తిరిగి చెల్లించని వారిని చంపుతుంటాడు. ఈక్ర‌మంలో క‌థానాయిక తండ్రి కూడా మ‌ర‌ణించ‌డంతో కేసు పెడుతుంది. దీంతో డాలీ ప‌గ బ‌డ‌తాడు. అంతేగాక స‌లీంకు ఆశ్ర‌యం ఇచ్చిన ఓ హోట‌ల్‌పై దాడి చేసి అక్క‌డి వారిని బాగా ఇబ్బంది ప‌డుతుంటారు. ఈ నేప‌థ్యంలో అప్ప‌టి వ‌ర‌కు సైలెంట్‌గా ఉన్న స‌లీం అక్క‌డి ప్ర‌జ‌ల‌ను ర‌క్షించ‌డానికి రంగంలోకి దిగుతాడు.

ఈ క్ర‌మంలో స‌లీం ఎలాంటి ఇబ్బందులు ఎదుర్కొన్నాడు, డాలీతో ఎలా పోరాటం చేశాడు, స‌త్య‌రాజ్ ఎవ‌రు, స‌లీంను చంపేయాల‌ని సొంత టీం ఎందుకు నిర్ణ‌యం తీసుకుంది అనే క‌థ క‌థ‌నాల‌తో సినిమా సాగుతుంది. గ‌త‌వార‌మే ఈ చిత్రం త‌మిళంలో అమెజాన్ ప్రైమ్ వీడియో(Amazon Prime Video) లోకి వ‌చ్చిన‌ప్ప‌టికీ తాజాగా ఈ శుక్ర‌వారం (ఆగ‌స్టు 23) నుంచి చ‌ప్పుడు కాకుండా తెలుగులోనూ స్ట్రీమింగ్‌కు వ‌చ్చేసింది. అయితే సినిమా రెగ్యుల‌ర్ ఫార్మాట్‌లో ఉన్న‌ట్లు అనిపించ‌డం, ప్ర‌చార లోపం వ‌ళ్ల ఈ సినిమా ప్ర‌జ‌ల‌కు చేరువ కాలేక‌ పోయింది.యాక్ష‌న్ సినిమాలు, ఇష్ట‌ప‌డే వారు, విజ‌య్ అంటోని అభిమానులు ఈ సినిమాను చూసి ఎంజాయ్ చేయ‌వ‌చ్చు.