Kaala Raatri: ఆగస్ట్ 17 నుంచి ఆ ఓటీటీలో ‘కాళరాత్రి’
ABN , Publish Date - Aug 16 , 2024 | 10:20 PM
బాబు రాజ్, చేంబన్ వినోద్, బిను పప్పు, గణపతి తదితరులు ప్రధాన పాత్రల్లో నటించిన సినిమా ‘కాళరాత్రి’. ఈ చిత్రాన్ని హనుమాన్ మీడియా బ్యానర్‌పై బాలు చరణ్ నిర్మించారు. మర్ఫీ దేవసి దర్శకత్వం వహించారు. సస్పెన్స్ థ్రిల్లర్ కథతో రూపొందిన ‘కాళరాత్రి’ సినిమా డైరెక్ట్ ఓటీటీ విడుదలకు సిద్ధమైంది. ఈ సినిమా ఆహా ఓటీటీలో ఆగస్ట్ 17 నుంచి స్ట్రీమింగ్ కానుంది.
బాబు రాజ్, చేంబన్ వినోద్, బిను పప్పు, గణపతి తదితరులు ప్రధాన పాత్రల్లో నటించిన సినిమా ‘కాళరాత్రి’ (Kaala Raatri). ఈ చిత్రాన్ని హనుమాన్ మీడియా (Hanuman Media) బ్యానర్‌పై బాలు చరణ్ (Balu Charan) నిర్మించారు. మర్ఫీ దేవసి (Marfi Devasi) దర్శకత్వం వహించారు. సస్పెన్స్ థ్రిల్లర్ కథతో రూపొందిన ‘కాళరాత్రి’ సినిమా ఈ నెల 17వ తేదీ నుంచి ఆహా ఓటీటీలో స్ట్రీమింగ్‌కు రాబోతున్నట్లుగా ఆహా ఓటీటీ సంస్థ అధికారికంగా ప్రకటించింది. ఇప్పటికే విడుదలైన ‘కాళరాత్రి’ ట్రైలర్ మంచి స్పందనను రాబట్టుకుని, మంచి అంచనాలను క్రియేట్ చేసింది. ఇప్పుడీ సినిమా ఓటీటీలోకి వస్తోంది. ట్రైలర్‌లానే సినిమా కూడా మంచి స్పందనను రాబట్టుకుంటుందని మేకర్స్ భావిస్తున్నారు. (Kaala Raatri OTT Release Date)
Also Read- 70th National Film Awards: ఉత్తమ నటులు, నాయికలు, చిత్రాల విజేతలు వీరే
‘కాళరాత్రి’ ట్రైలర్ విషయానికి వస్తే (Kaala Raatri Trailer Talk).. 266 ఎకరాల తోటను అతి తక్కువ ధరకు కొనేందుకు వెళ్లిన స్నేహితుల బృందం.. ఆ తోటలో ఉన్న గెస్ట్ హౌస్ చూసి సర్‌ప్రైజ్ అవుతారు. ఎంతో అందంగా ఉన్న ఆ గెస్ట్ హౌస్‌లో పార్టీ చేసుకుంటారు. ఆ భవనంలో అనూహ్య ఘటనలు జరుగుతుంటాయి. వారిలో కొందరు చనిపోతారు. ఆ హత్యలకు కారణం ఎవరన్నది అంతు చిక్కదు. ఇలాంటి ఆసక్తికర మలుపులతో వచ్చిన ట్రైలర్ సినిమాపై మంచి క్రేజ్ ఏర్పడేలా చేస్తోంది. అసలు ఆ తోట గెస్ట్‌హౌస్‌లో ఏం జరుగుతుంది? అక్కడికి వెళ్లిన వారు ఎందుకు చనిపోతున్నారు? ఎలా చనిపోతున్నారు? అనేది తెలియాలంటే మూవీ చూడాల్సిందే అంటున్నారు మేకర్స్. సస్పెన్స్ థ్రిల్లర్ సినిమాలను ఇష్టపడే ప్రేక్షకులకు ‘కాళరాత్రి’ మంచి కాలక్షేపాన్ని ఇస్తుందని టీమ్ చెబుతోంది.
Read Latest Cinema News