Satyabhama: ‘సత్యభామ’ నటీనటుల కోసం వరంగల్‌లో రిసెప్షన్.. అభిమానుల స్పందనిదే..
ABN , Publish Date - Mar 11 , 2024 | 10:56 PM
తెలుగు ఎంటర్‌టైన్‌మెంట్ ఛానెల్ స్టార్ మా, వరంగల్‌లో తమ ప్రముఖ షో ‘సత్యభామ’లో ఎక్కువ మంది అభిమానించే పాత్రలు సత్యభామ మరియు క్రిష్‌ల కోసం ఆకట్టుకునే రీతిలో రిసెప్షన్‌ను నిర్వహించింది. ఎంతోకాలంగా అభిమానులు ఎదురుచూస్తున్న సత్యభామ మరియు క్రిష్‌ల ఊహించిన ఆన్-స్క్రీన్ వివాహాన్ని ఈ కార్యక్రమంలో వేడుకగా నిర్వహించింది. ఈ రిసెప్షన్.. ఈ షో కు ప్రత్యేకమైన ప్రచార కార్యకలాపంగా మారుతుందనడంలో ఆశ్చర్యపోవాల్సిన అవసరమే లేదు.
తెలుగు ఎంటర్‌టైన్‌మెంట్ ఛానెల్ స్టార్ మా, వరంగల్‌లో తమ ప్రముఖ షో ‘సత్యభామ’ (Satyabhama)లో ఎక్కువ మంది అభిమానించే పాత్రలు సత్యభామ మరియు క్రిష్‌ల కోసం ఆకట్టుకునే రీతిలో రిసెప్షన్‌ను నిర్వహించింది. ఎంతోకాలంగా అభిమానులు ఎదురుచూస్తున్న సత్యభామ మరియు క్రిష్‌ల ఊహించిన ఆన్-స్క్రీన్ వివాహాన్ని ఈ కార్యక్రమంలో వేడుకగా నిర్వహించింది. ఈ రిసెప్షన్.. ఈ షో కు ప్రత్యేకమైన ప్రచార కార్యకలాపంగా మారుతుందనడంలో ఆశ్చర్యపోవాల్సిన అవసరమే లేదు. ఈ సీరియల్ నేపథ్యంలో మార్చి 10, ఆదివారం సాయంత్రం 5 గంటల నుండి వరంగల్‌లోని వెంకటేశ్వర కన్వెన్షన్ , గార్డెన్‌లో ఈ రిసెప్షన్ జరిగింది. అభిమానులు తమ అభిమాన టీవీ తారలను కలుసుకుని, పలకరించడానికి, సరదా ఆటలు ఆడుకోవడానికి మరియు సత్యభామ మరియు క్రిష్‌లతో సరదాగా గడిపేలా.. ఈ కార్యక్రమాన్ని ప్లాన్ చేశారు.
రిసెప్షన్ సమయంలో సత్యభామ (Satyabhama) తనకు ప్రపోజ్ చేయమని క్రిష్‌ని ఆటపట్టించడం, క్రిష్ (Krish) సెల్ఫీ వీడియోను స్విచ్ ఆన్ చేసి, మొత్తం ప్రేక్షకులను తనతో పాటుగా ‘నేను సత్యభామను ప్రేమిస్తున్నాను’ అని చెప్పమని, ప్రేక్షకులలో ఉత్సాహం నింపారు. క్రిష్ మరియు సత్యభామ ఇద్దరూ వేదికపై డ్యాన్స్ చేయడం ప్రేక్షకులను అమితంగా ఆకర్షించింది. ప్రస్తుతం ‘సత్యభామ’ ఎపిసోడ్స్ సోమవారం నుండి శుక్రవారం వరకు రాత్రి 9:30 గంటలకు స్టార్ మాలో ప్రసారమవుతున్నాయి. సత్యభామ మరియు క్రిష్‌ల ప్రేమకథ ప్రేక్షకులను అశేషంగా ఆకట్టుకుంటుంది. ఈ రిసెప్షన్ అభిమానులలో ఆసక్తిని రేకెత్తించింది.
ఈ ప్రత్యేక కార్యక్రమ నిర్వహణ గురించి ఒక అభిమాని వసంత (Vasantha) మాట్లాడుతూ.. వరంగల్‌లో ఏర్పాటు చేసిన ఈ వేడుక మాకు మంచి అనుభూతిని ఇచ్చింది. ఇంతమంది తారాగణాన్ని ఒకే చోట చూడటం వారితో కలిసి గేమ్స్ ఆడటం ... ఆ ఆనందం మాటల్లో వర్ణించలేనని అన్నారు. అలాగే ఈ వేడుకకు హాజరైన వరంగల్ వాసి శ్రీమతి సులోచన (Sulochana) మాట్లాడుతూ “ఈ సీరియల్‌లో సత్యభామను చూస్తుంటే మా మనమరాలినే చూస్తున్నట్లుంది. అందుకే ఈ సీరియల్‌ను అసలు మిస్ కాను. టీవీలో కనిపించే వారు మా కళ్ళముందు వున్నారంటే అసలు నమ్మలేక పోయాను. స్టార్ మా (Star Maa) వాళ్లు మా లాంటి అభిమానుల కోసం ఒక చక్కటి కార్యక్రమం చేశారని అన్నారు. ‘స్టార్ మా అసాధారణమైన వినోద అనుభవాలను ప్రేక్షకులకు అందించడానికి కట్టుబడి ఉంది. భవిష్యత్తులో మరిన్ని సంచలనాత్మక కార్యక్రమాలతో ప్రేక్షకులను ఆహ్లాదపరిచేందుకు ఎదురుచూస్తోంది’ అని ఈ సందర్భంగా స్టార్ మా యాజమాన్యం తెలిపారు.
