Darling: అప్పుడే ఓటీటీకి.. లేటెస్ట్ తెలుగు కామెడీ డ్రామా! ఎప్ప‌టినుంచంటే?

ప్రియదర్శి (Priyadarshi), నభా నటేష్ (Nabha Natesh) లీడ్ రోల్స్‌లో నటించిన యూనిక్ రొమాంటిక్ కామెడీ ఎంటర్ టైనర్ ‘డార్లింగ్’(Darling). అశ్విన్ రామ్ (Aswin Raam) దర్శకత్వం వహించ‌గా ప్రైమ్‌షో ఎంటర్‌టైన్‌మెంట్ (Primeshow Entertainment) బ్యాన‌ర్‌పై కె నిరంజన్ రెడ్డి, శ్రీమతి చైతన్య నిర్మించారు. జూలై 19న ప్రపంచ వ్యాప్తంగా విడుదలైన ఈ చిత్రం మిశ్ర‌మ స్పంద‌న‌ను తెచ్చుకుంది. ఇప్పుడు ఈ మూవీ డిజిట‌ల్ స్ట్రీమింగ్‌కు సిద్ద‌మైంది.

క‌థ విష‌యానికి వ‌స్తే.. ఒక ట్రావెల్ ఏజెన్సీలో పని చేసే రాఘ‌వ‌కు పెళ్లి చేసుకొని హనీమూన్‌కు పారిస్ వెళ్లాలని కలలు కంటూ ఉంటాడు. ఈక్ర‌మంలో ఒక‌టి రెండు సంబంధాలు పెళ్లి వ‌ర‌కు వ‌చ్చి డిప్రెష‌న్‌లోకి వెళ‌తాడు. అలాంటి స‌మ‌యంలో ఆనంది (నభ నటేష్) పరిచయం అవడం, వివాహం చేసుకోవ‌డం జ‌రిగి పోతాయి. తీరా అసలువిష‌యం అప్పుడే మొదలవుతుంది. ఆనందికి మల్టిపుల్ పర్సనాలిటీ డిజార్డర్ అనే వ్యాధి ఉన్న‌ట్లు తెలుస్తుంది. దీంతో ఆమె ఏ నిమిషం ఎలా ఉంటుంది, ఎలా ప్ర‌వ‌ర్తిస్తుంద‌నే విష‌యం అస‌లు అంతుచిక్క‌దు.

ఈ నేప‌థ్యంలో రాఘవ ఆనందితో ఎలా కాపురం చేశాడు, హ‌నీమూన్ క‌ల తీరిందా లేక ఇద్దరూ విడిపోయారా? అసలు ఆనంది ఎవరు, ఆమె నేపథ్యం ఏంటి? ఆమె గతం గురించి తెలిసిన రాఘవ చివరికి ఏమి చేశాడు? అనే ఆస‌క్తిక‌ర‌మైన క‌థ‌క‌థ‌నాల చుట్టూ సినిమా సాగుతూ న‌వ్వులు పూయిస్తుంది. ఇప్పుడు ఈ చిత్రాన్ని నెల రోజుల‌లోనే ఈ నెల 13వ తేదీ నుంచి డిస్నీ ఫ్లస్ హాట్ స్టార్ (Disney Plus Hotstar) ఓటీటీలో స్ట్రీమింగ్‌కు తీసుకు వ‌స్తున్నారు. సో ఎవ‌రైతే థియేట‌ర్లలో మిస్స‌య్యారో ఇక ఇంట్లోనే కుటుంబంతో క‌లిసి చూసి ఆనందించండి.